Parc Coedwig Afan - Gyfylchi, ger Port Talbot

Croeso

Mae Gyfylchi ym Mharc Coedwig Afan.

Mae yn gartref i Barc Sgiliau Afan.

Saif adfeilion capel Gyfylchi wrth ymyl y maes parcio – cadwch lygad am y bwrdd gwybodaeth.

Llwybrau cerdded

Mae arwyddbyst ar y llwybrau cerdded o’r dechrau i’r diwedd.

Chwiliwch am y panel gwybodaeth ar ddechrau’r llwybr.

Dysgwch beth yw ystyr graddau’r llwybrau cerdded.

Llwybr Penrhys

• Gradd: Cymedrol
• Pellter: 3.6 milltir/5.7 cilomedr
• Amser: 2 awr
• Dringo: 856 troedfedd/261metr

Mwynhewch olygfeydd panoramig ar hyd y gefnffordd hynafol a gysylltai eglwys Baglan ar yr arfordir â Chraig y Llyn i'r gogledd o Lyncorrwg.

Gallwch weld yr holl ffordd i Fannau Sir Gâr ar ddiwrnod clir.

Llwybr Crib Gyfylchi

• Gradd: Anodd
• Pellter: 5.9 milltir/11.2 cilometr
• Dringo: 1434 troedfedd/437metr
• Amser: 3½ awr

Mae Llwybr Crib Gyfylchi yn croesi Afon Afan ac yn dringo drwy goetiroedd i ben y bryn.

Ceir golygfeydd panoramig o'r dyffryn.

Yna mae'r llwybr yn mynd heibio dwy set o adfeilion – Fferm Nant-y-bar a Chapel Gyfylchi o'r ddeunawfed ganrif, a arferai fod yn gysegrfan i Fethodistiaeth Gymreig – cyn disgyn i'r maes parcio.

Llwybr beicio mynydd

Mae arwyddbyst i’w cael ar bob un o’n llwybrau beicio mynydd o’r dechrau i’r diwedd ac maent wedi’u graddio’n ôl eu hanhawster.

Ceir panel gwybodaeth ar ddechrau’r llwybr – dylech ei ddarllen cyn cychwyn ar eich taith.

• Darganfod ystyr graddau llwybrau beicio mynydd.
• I gael rhestr ein llwybrau beicio mynydd a gwybodaeth er mwyn cynllunio eich taith feicio, ewch i feicio mynydd.
• I gael rhagor o wybodaeth am feicio mynydd yng Nghymru, ewch i wefan Mountain Bike Wales.

Y Wal

• Gradd: Coch (Anodd)
• Pellter: 18.7 cilometr
• Amser: 1½-3 awr
• Esgyniad: 746 metr
• Mannau cychwyn amgen: Canolfan Ymwelwyr Parc Coedwig Afan a Rhyslyn
• Gwybodaeth am y llwybr: Am daith hirach, beth am ddefnyddio’r llwybr 4 cilomedr o hyd (Llwybr Cyswllt W2) sy’n ymuno â Lefel White. Mae cysylltu'r ddau lwybr hyn gyda'i gilydd yn reid heriol 42 cilomedr. Mae llwybr Lefel White yn mynd o Ganolfan Beicio Mynydd Glyncorrwg.

Gyda rhai o'r disgynfeydd trac sengl gorau yn y DU, mae'r llwybr hwn yn croesi ochr ogleddol Cwm Afan.

Mae'n amrywio o fod yn gyflym ac agored i fod yn dynn, technegol a gwreiddiog.

Mae golygfeydd gwych o'r dyffryn a'r arfordir yn ymddangos ar wahanol adegau, ac mewn mannau gall y llethrau serth deimlo'n agored.

Mae ardal sgiliau arall ar lwybr Rookie ger Canolfan Ymwelwyr Afan ar gyfer beicwyr llai profiadol.

Parc Sgiliau Afan

Mae Parc Sgiliau Afan yn addas ar gyfer beicwyr mwy profiadol.

Mae gan y parc sgiliau sawl adran fer lle gallwch chi ymarfer a gwella eich sgiliau.

Mae yna hefyd ddwy linell neidio a llinell pro galetach gyda neidiau a disgyniadau mwy.

Mae parc sgiliau arall ar y llwybr Rookie o Ganolfan Ymwelwyr Parc Coedwig Afan ar gyfer beicwyr llai profiadol.

Parc Coedwig Afan

Mae Parc Beicio Afan ym Mharc Coedwig Afan.

Mae Parc Coedwig Afan yn un o gyrchfannau beicio mynydd eiconig Prydain ac yn lle poblogaidd ar gyfer cerdded.

Mae'r parc coedwig wedi'i leoli yng Nghwm Afan ychydig filltiroedd o'r M4, lle arferai glo gael ei gloddio, a gallwch ddarganfod rhai o nodweddion treftadaeth y dyffryn ar hyd ein llwybrau.

Archwiliwch Barc Coedwig Afan o'r meysydd parcio hyn:

• Canolfan Ymwelwyr Parc Coedwig Afan – prif fan cychwyn ar gyfer llwybrau beicio mynydd a cherdded ym Mharc Coedwig Afan
• Canolfan Beicio Mynydd Glyncorrwg – man cychwyn ar gyfer llwybrau beicio mynydd ag arwyddbyst
• Rhyslyn – safle picnic gyda llwybrau cerdded a beicio mynydd

Ymweld yn ddiogel

Rydyn ni eich eisiau chi i ddychwelyd adref yn ddiogel ar ôl eich ymweliad yma.

Rydych yn gyfrifol am eich diogelwch eich hun yn ogystal â diogelwch unrhyw blant ac anifeiliaid sydd gyda chi yn ystod eich ymweliad.

Am gyngor ac awgrymiadau i'ch helpu i gynllunio'ch ymweliad, ewch i dudalen Ymweld â'n lleoedd yn ddiogel.

Newidiadau i lwybrau

Gweler brig y dudalen we hon i gael manylion unrhyw gynlluniau i gau cyfleusterau neu unrhyw newidiadau eraill i gyfleusterau ymwelwyr yma.

Er mwyn eich diogelwch, dilynwch gyfarwyddiadau'r staff ac arwyddion bob amser gan gynnwys y rhai ar gyfer dargyfeirio neu gau llwybrau.

Mae'n bosibl y bydd angen i ni ddargyfeirio neu gau llwybrau wrth i ni wneud gwaith cynnal a chadw neu gynnal gweithrediadau eraill ac mae'n bosibl y bydd angen i ni gau cyfleusterau ymwelwyr eraill dros dro.

Mewn tywydd eithafol, mae'n bosibl y byddwn yn cau cyfleusterau ar fyr rybudd oherwydd y risg o anafiadau i ymwelwyr a staff.

Trefnu digwyddiad ar ein tir

Efallai y bydd angen caniatâd gennym ni i drefnu digwyddiad neu gynnal rhai gweithgareddau ar ein tir.

Gwiriwch a gewch chi ddefnyddio tir rydyn ni’n ei reoli.

Sut i gyrraedd yma

Rydym yn argymell eich bod yn dilyn y cyfarwyddiadau hyn neu’n defnyddio’r map Google isod lle mae pin yn nodi’r lleoliad.

Mae Gyfylchi 7 milltir i'r gogledd-ddwyrain o Bort Talbot.

Gadewch yr M4 yng nghyffordd 40 (Port Talbot) a dilynwch yr arwyddion i’r A4107 i gyfeiriad y Cymer.

Ar ôl 3¾ milltir trowch i'r chwith i’r B4287 i gyfeiriad Pont-rhyd-y-fen.

Ewch yn eich blaen drwy Bont-rhyd-y-fen ac ar ôl milltir trowch i'r dde, gan ddilyn yr arwydd brown a gwyn am Bryn Bettws Lodge.

Ar ôl ½ milltir trowch i'r dde a dilyn arwydd Parc Sgiliau Beicio Gyfylchi.

Mae'r maes parcio 1 filltir ar hyd yr isffordd gul hon.

Y cyfeirnod grid Arolwg Ordnans ar gyfer y maes parcio yw SS 807 954 (Explorer Map 165 neu 166).

Y cod post yw SA12 9SP. Sylwer bod y cod post hwn yn cwmpasu ardal eang ac ni fydd yn mynd â chi yn uniongyrchol i’r fynedfa.

Edrychwch ar y lle hwn ar wefan What3Words.

Cludiant cyhoeddus

Y prif orsaf reilffordd agosaf yw Maesteg.

Er mwyn cael manylion ynghylch cludiant cyhoeddus, ewch i wefan Traveline Cymru.

Parcio

Mae'r maes parcio yn cael ei reoli gan Bryn Bettws Lodge.

Am fwy o wybodaeth ewch i wefan Bryn Bettws Lodge

Manylion cyswllt

Mae'r maes parcio yn cael ei reoli gan Bryn Bettws Lodge. Am fwy o wybodaeth ewch i wefan Bryn Bettws Lodge

Nid oes staff Cyfoeth Naturiol Cymru yn y lleoliad hwn. Cysylltwch â’n tîm cwsmeriaid gydag unrhyw ymholiadau cyffredinol yn ystod oriau swyddfa o ddydd Llun i ddydd Gwener.