Datganiad rheoleiddio 133: Cydymffurfiaeth pEPR â rhwymedigaethau ailgylchu cynhyrchwyr 2026
Mae’r datganiad rheoleiddio hwn yn ddilys tan 1 Chwefror 2027, a bydd wedi cael ei adolygu erbyn hynny. Dylech wirio gyda ni bryd hynny i sicrhau bod y datganiad rheoleiddio yn dal i fod yn ddilys.
Gall Cyfoeth Naturiol Cymru (CNC) dynnu’r datganiad rheoleiddio hwn yn ôl, neu ei ddiwygio, cyn y dyddiad adolygu os ydym o’r farn bod hynny’n angenrheidiol. Mae hyn yn cynnwys pan nad yw'r gweithgareddau y mae'r datganiad rheoleiddio hwn yn ymwneud â hwy wedi newid.
Datganiad rheoleiddio
Nid yw'r Datganiad Rheoleiddio hwn yn newid eich gofynion cyfreithiol sef:
- Cofrestru, os oes angen, fel cynhyrchydd mawr yn unol â Rheoliadau Rhwymedigaethau Cyfrifoldeb Cynhyrchydd (Pecynwaith a Gwastraff Pecynwaith) 2024 (y Rheoliadau).
- Rhoi gwybod am ddata pecynwaith yn unol â'r Rheoliadau.
- Gwneud pob ymdrech resymol i fodloni eich rhwymedigaethau ailgylchu.
Fodd bynnag, ni fydd CNC yn cymryd camau gorfodi yn eich erbyn os nad ydych yn cydymffurfio â'ch rhwymedigaethau ailgylchu 2026 a nodir yn Atodlen 5 o'r Rheoliadau, os byddwch yn bodloni'r amodau a nodir yn y Datganiad Rheoleiddio hwn.
Amodau y mae'n rhaid i chi gydymffurfio â nhw
Mae eich rhwymedigaethau ailgylchu statudol ar gyfer blwyddyn gydymffurfio 2026 wedi'u nodi yn Atodlen 5 y Rheoliadau.
Rhaid i chi gyflawni eich rhwymedigaethau ailgylchu statudol llawn, ar gyfer alwminiwm, papur a gwydr.
Ar gyfer plastig, dur a phren mae'n rhaid i chi gyflawni lleiafswm o;
- 83% o'ch rhwymedigaeth ailgylchu statudol ar gyfer plastig
- 92% o'ch rhwymedigaeth ailgylchu statudol ar gyfer dur
- 90% o'ch rhwymedigaeth ailgylchu statudol ar gyfer pren
Cadw cofnodion am 5 flynedd i ddangos eich bod wedi cydymffurfio â'r datganiad rheoleiddio hwn, a sicrhau bod y cofnodion hynny ar gael i CNC ar gais.
Gorfodi
Nid yw'r datganiad rheoleiddio hwn yn newid nac yn dileu unrhyw un o'ch rhwymedigaethau cyfreithiol o dan Reoliadau Rhwymedigaethau Cyfrifoldeb Cynhyrchwyr (Pecynwaith a Gwastraff Pecynwaith) 2024.
Fodd bynnag, ni fydd CNC fel arfer yn cymryd camau gorfodi os nad ydych yn cydymffurfio â’r gofynion cyfreithiol penodol a nodir yn y datganiad rheoleiddio hwn.
Cysylltwch â ni
Os oes gennych unrhyw gwestiynau am y datganiad rheoleiddio hwn, e-bostiwch packaging@cyfoethnaturiolcymru.gov.uk.