Gwneud cais i ildio trwydded sylweddau ymbelydrol
Cyn i chi wneud cais
Os nad oes arnoch ragor o angen trwydded, rhaid i chi ei hildio. Gallwch hefyd ildio rhan o'ch trwydded, os, er enghraifft, yr ydych am roi’r gorau i weithgaredd neu leihau arwynebedd tir y drwydded.
Sut i wneud cais
Ar y dudalen hon cewch ffurflenni cais ar gyfer ildio trwydded a chanllaw cwblhau'r ffurflenni. Rhaid i chi lenwi rhannau A ac F a chwblhau adrannau priodol rhan E.
Sylwch
Bydd angen Fersiwn 7 neu fersiwn ddiweddarach o Adobe arnoch i allu defnyddio'r ffurflenni electronig.
Ar ôl i chi ddewis y rhannau cywir o'r ffurflen, dim ond yr adrannau sy'n berthnasol i'ch cais y bydd angen i chi eu llenwi. Fodd bynnag, bydd angen i chi fynd i bob adran a thicio'r blychau priodol fel y gallwch chi symud ymlaen i'r adran nesaf.
Help gyda'ch cais
Os ydych chi'n cael trafferth llenwi'ch ffurflen gais, cysylltwch â ni trwy:
e-bost ymholiadau cyffredinol - ymholiadau@cyfoethnaturiolcymru.gov.uk
Rhif ymholiadau cyffredinol 0300 065 3000
Canolfan Gwasanaethau Cwsmeriaid
Cyfoeth Naturiol Cymru
29 Heol Casnewydd
Tŷ Cambria
Caerdydd
CF24 0TP.