Newid trwydded rhywogaeth

Defnyddiwch y gwasanaeth hwn i newid trwydded rhywogaeth sy’n bodoli eisoes.

Gallwch ddefnyddio’r gwasanaeth hwn i wneud y canlynol:

• diweddaru enwau neu gyfeiriadau pobl ar y drwydded
• ychwanegu neu dynnu enwau pobl oddi ar drwydded
• newid y prif drwyddedai neu’r ecolegydd enwebedig
• ychwanegu rhywogaethau
• ychwanegu technegau neu offer
• newid cyfnod y drwydded
• gofyn am newidiadau eraill
  
  

Pryd i beidio â defnyddio’r gwasanaeth hwn

Ni allwch ddefnyddio’r gwasanaeth hwn os mai diweddaru’r canlynol yn unig sydd ei angen arnoch:

• rhif ffôn
• cyfeiriad e-bost

I ddiweddaru rhif ffôn neu gyfeiriad e-bost,cysylltwch â’r tîm trwyddedu rhywogaethau.

Os yw eich trwydded arolwg wedi dod i ben, rhaid i chi wneud cais i adnewyddu eich trwydded.

Cyn i chi ddechrau

Bydd angen y canlynol arnoch:

• rhif eich trwydded
• enw’rprif drwyddedai

Yn dibynnu ar y newidiadau rydych chi am eu gwneud, efallai y bydd angen i chi ddarparu’r canlynol:

• adroddiad diwedd trwydded
• datganiad dull wedi’i ddiweddaru os yw’r dulliau neu’r amserlen wedi newid

Gwiriwch pa wybodaeth a dogfennau mae angen i chi eu paratoi.

Gwneud cais ar-lein

 

Pa mor hir mae’n ei gymryd

Yr hyn y gallwch ei ddisgwyl:

• Mae newidiadau i bobl a enwir ar y drwydded, gan gynnwys newidiadau enw a chyfeiriad, yn cymryd hyd at 15 diwrnod gwaith
• Mae pob newid arall yn cymryd hyd at 30 diwrnod gwaith

Os bydd angen rhagor o wybodaeth arnom, efallai y bydd yn cymryd mwy o amser.

Taliadau

• Newidiadau i bobl a enwir ar y drwydded neu fanylion personol: £82
• Pob newid arall: £125 yr awr

Ni chodir tâl ar rai mathau o drwydded. Bydd cwestiynau’n cael eu gofyn i chi yn ystod y cais i wirio a oes tâl yn berthnasol.

Rhagor o wybodaeth am hepgoriadau tâl ar gyfer trwyddedu rhywogaethau