Dull pum cam

Cam 1 – Cyflwyniad i'r ecosystem neu thema

Rhoi crynodeb o'r cyd-destun, y cyfleoedd y gwyddys amdanynt a'r bygythiadau cyfredol i reoli adnoddau naturiol yn gynaliadwy, yr heriau i gydnerthedd ecosystemau, a'r cyflenwad o wasanaethau ecosystemau.

Diffinio'n gryno yr ecosystem eang (neu'r thema drawsbynciol), ei chyflwr amgylcheddol, defnydd tir, cyfleoedd y gwyddys amdanynt, a'r bygythiadau cyfredol i reoli adnoddau naturiol yn gynaliadwy.

pa gyfleoedd cymdeithasol, amgylcheddol neu economaidd yr edrychir amdanynt?

beth yw'r pwysau amgylcheddol hysbys

beth yw'r heriau i gydnerthedd ecosystemau

pa gyfleoedd sy'n bodoli i gynnal neu gynyddu buddion llesiant

rhyngweithiadau ag ecosystemau eraill (neu themâu trawsbynciol)

Cam 2 – Sefyllfa a thueddiadau adnoddau naturiol a'r rheolaeth gyfredol ohonynt

Sefyllfa a chyflwr yr ecosystem (neu thema drawsbynciol) a'r tueddiadau, ynghyd â gwybodaeth am reoli adnoddau naturiol sy'n berthnasol i reoli adnoddau naturiol yn gynaliadwy:

sefyllfa sylfaenol adnoddau naturiol ac ecosystemau

rheolaeth gyfredol: cynlluniau a defnydd o’r tir/môr, gweithgareddau sydd eisoes ar waith – llwyddiannau a heriau

Cam 3 – Cydnerthedd

Beth mae sefyllfa adnoddau naturiol a'u rheolaeth yn ei olygu i gydnerthedd yr ecosystem – deall effaith graddfa a chyflwr adnoddau naturiol ar gydnerthedd ecosystemau drwy wneud y canlynol:

asesiad o gydnerthedd ecosystemau – gan ddefnyddio'r priodoleddau o'r ddeddf

mae angen nodi'r ecosystemau hynny sydd o dan bwysau a'r rhai hynny â chapasiti ar ôl i gyfrannu ymhellach at nodau llesiant drwy ddarparu gwasanaethau ecosystemau (e.e. darparu buddion llesiant trefol)

Cam 4 – Gwasanaethau ecosystemau

Beth mae sefyllfa adnoddau naturiol a'u rheolaeth yn ei olygu i'r cyflenwad o wasanaethau ecosystemau i bobl, gan gynnwys:

sefyllfa a chyflwr adnoddau naturiol o ran y buddion a ddeillir ohonynt

mae angen i asesiad o'r cyfraniad tuag at y nodau llesiant nodi'r ecosystemau hynny sydd o dan bwysau a'r rhai hynny â chapasiti ar ôl i gyfrannu ymhellach at nodau llesiant

Cam 5 – Opsiynau ar gyfer rheoli'n fwy cynaliadwy

Nodi a phwyso a mesur cyfleoedd:

ystyried graddfa'r buddion i gydnerthedd ecosystemau o ran yr ymdrech sydd ei hangen

edrych ar effaith gwahanol opsiynau ar wasanaethau ecosystemau

cofrestr risg: asesu costau a buddion gwahanol opsiynau gweithredu

mapio cyfleoedd i wneud newidiadau posibl i reoli tir

senarios a sganio'r gorwel

prisio a chostau, dadansoddiad o'r buddion

mewnbwn rhanddeiliaid i helpu i flaenoriaethu