Cynllunydd Amgylcheddol

Tîm / Cyfarwyddiaeth: Tîm Cynllunio, Tirwedd ac Ynni / Tystiolaeth, Polisi a Thrwyddedu

Cyflog cychwynnol: £41,132 yn codi i £44,988 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Penodiad Cyfnod Penodol hyd at 31 Mawrth 2026

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 4 Gorffennaf 2025

Rhif swydd: 203932

Y rôl

Rydym yn chwilio am gynllunydd amgylcheddol brwdfrydig i'n helpu i wneud gwahaniaeth cadarnhaol i ansawdd yr amgylchedd dŵr yng Nghymru. Byddwch yn ymuno â'n Tîm Cynllunio, Tirwedd ac Ynni ac yn gweithio gyda chydweithwyr ym mhob rhan o CNC i sicrhau cyflwr da ar gyfer ein Hardaloedd Cadwraeth Arbennig sy'n sensitif i gynnydd mewn lefelau maetholion. Bydd hyn yn cynnwys:

• datblygu cyngor ac arweiniad i gydweithwyr mewnol ac i awdurdodau cynllunio;
• darparu cyngor arbenigol mewn ymateb i ymgynghoriadau cais cynllunio a chynlluniau datblygu;
• gweithio'n agos â gwahanol arbenigeddau amgylcheddol o fewn CNC a rhanddeiliaid allanol i ddatblygu offer newydd ac arloesol i sicrhau gwneud penderfyniadau sy'n seiliedig ar yr amgylchedd o fewn y system gynllunio.

Byddwch yn gynllunydd, neu wedi gweithio ym maes rheoli amgylcheddol, a bydd gennych wybodaeth dda o'r system gynllunio a'r prosesau asesu amgylcheddol gan gynnwys Asesiadau Rheoliadau Cynefinoedd.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Adrian James ar Adrian.James@cyfoethnaturiolcymru.gov.uk 

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Amdanom ni

Cyfoeth Naturiol Cymru yw'r corff mwyaf a noddir gan Lywodraeth Cymru, sy'n canolbwyntio ar fynd i'r afael â'r argyfyngau hinsawdd, natur a llygredd
Mae ein Tîm Cynllunio, Tirwedd ac Ynni yn cynghori Llywodraeth Cymru ac adrannau Llywodraeth y DU i sicrhau bod eu cynigion ar gyfer polisïau a deddfwriaeth newydd a diwygiedig ar gyfer cynllunio, ynni a thirwedd yn darparu amddiffyniad digonol i amgylchedd ac adnoddau naturiol Cymru. Rydym hefyd yn gweithio gydag arbenigwyr eraill CNC i ddatblygu canllawiau newydd i gydweithwyr mewnol ac allanol a darparu cyngor arbenigol iddynt fel eu bod yn gwneud penderfyniadau deallus sy'n seiliedig ar yr amgylchedd.Mae ein cyfraniad yn cefnogi cenhadaeth Cyfoeth Naturiol Cymru i gyflawni adferiad natur, sicrhau gwytnwch i newid hinsawdd, a lleihau llygredd.

Yr hyn y byddwch chi’n ei wneud

Bydd yr ymgeisydd llwyddiannus gyfrifol am:

• Paratoi asesiadau technegol, gan ddefnyddio amrywiaeth o wybodaeth a data cymhleth.
• Rheoli’r gwaith o baratoi deunydd i gyfarwyddo’r gwaith o ddatblygu dogfennau polisi, cyngor ac arweiniad CNC, Llywodraeth Cymru a phartneriaid eraill.
• Rheoli datblygiad gweithdrefnau, offer a chanllawiau ac arwain y gwaith o gyflwyno ffyrdd newydd o weithio.
• Cysylltu â rhanddeiliaid allanol megis Llywodraeth Cymru, awdurdodau cynllunio, cynrychiolwyr sector a phartneriaid i sicrhau bod rhwymedigaethau prosiectau, polisi neu strategaeth yn cael eu cyflawni'n amserol ac yn effeithiol.
• Cynghori ar anghenion a chyfleoedd tystiolaeth a rheoli prosiectau tystiolaeth y cytunwyd arnynt, yn unol â'r rhaglen dystiolaeth y cytunwyd arni.
• Cefnogi ymgysylltu â sectorau, partneriaid, Llywodraeth Cymru, POSW, PEDW, PINS, arweinwyr sector a busnes, cyrff proffesiynol a chyrff statudol eraill yn y DU er mwyn dylanwadu ar brosiectau datblygu ar y cyfle cyntaf; a bod yn brif bwynt cyswllt ar gyfer ymholiadau cwsmeriaid.
• Cynnal gwybodaeth ymarferol fanwl am y sector(au) penodedig gan nodi goblygiadau newidiadau o ran deddfwriaeth, technoleg a’r farchnad i Cyfoeth Naturiol Cymru a'r sector(au).
• Cyfrannu at grwpiau gorchwyl a gorffen, a gomisiynir drwy’r Byrddau Busnes, i baratoi cynhyrchion diffiniedig yn ôl yr angen.
• Cydweithio â'r Arweinydd Tîm i ddatblygu a chyflwyno Cynllun Datblygu Personol y cytunwyd arno.   
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth o’r canlynol: Deddfwriaeth Cymru, y DU a'r UE sy'n ymwneud â chynllunio defnydd tir. Gyrwyr polisi a strategaethau Llywodraeth Cymru, y DU mewn cynllunio defnydd tir a'r materion a'r cyfleoedd yng Nghymru.
2. Profiad o’r canlynol: dadansoddi a dehongli technegol ystod o wybodaeth cynllunio a gofodol gymhleth sy’n gysylltiedig â defnydd tir a ffynonellau data gan gynnwys paratoi cynlluniau datblygu awdurdodau lleol, cynllunio datblygu ac asesu amgylcheddol (SEA, HRA, WFD ac AEA).
3. Gweithio gyda Llywodraeth Cymru, PINS, Awdurdodau Lleol, Tirweddau Dynodedig, cyrff proffesiynol, busnes a sectorau.
4. Gweithio mewn amgylchedd rheoli rhaglenni a phrosiectau gyda phrofiad a/neu gymwysterau ym maes Rheoli Prosiectau. 
5. Byddwch yn aelod o RTPI/corff proffesiynol amgylcheddol arall a/neu'n gweithio tuag at ddod yn aelod.
6. Rhannu eich gwybodaeth a'ch arbenigedd i helpu i ddatrys problemau, gan gefnogi’r holl Benaethiaid Busnes yn yr adran Tystiolaeth, Polisi a Thrwyddedu yn ôl y galw.

Gofynion y Gymraeg

• Hanfodol:  Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.