Arweinydd Tîm Cydymffurfio Dŵr

Tîm / Cyfarwyddiaeth: Tîm Offer Dŵr / Cyfarwyddiaeth Gweithrediadau

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: I'w gadarnhau

Rhifau y swyddi: 203771

Y rôl

Bydd deiliad y swydd yn arwain ac yn datblygu’r tîm Cydymffurfiaeth Dŵr, Unwaith o fewn Gweithrediadau. Bydd yn sicrhau bod gollyngiadau dŵr Rheoliadau Trwyddedau Amgylcheddol (EPR) yn cael eu rheoleiddio’n effeithiol ac yn effeithlon, drwy osod blaenoriaethau strategol blynyddol i gyflawni’r Cynllun Corfforaethol ac arwain ein dull rheoleiddio er mwyn rheoli adnoddau naturiol yn gynaliadwy a chyflawni canlyniadau lles. Gan ddibynnu ar flaenoriaethau sefydliadol, mae’n bosibl y bydd angen cefnogi’r tîm gyda gwaith rheoleiddio ar y safle.

Tîm bychan i ddechrau ond disgwylir iddo ehangu o fewn y 12 mis nesaf i fod yn dîm o tua 12 swyddog. 

Prif ffocws y tîm fydd cydymffurfiaeth Cwmnïau Dŵr, gan gynnwys asesu hunan-fonitro gweithredwyr a data monitro hyd digwyddiadau storm. Bydd rôl yr Arweinydd Tîm yn rôl rheolwr cyfrifon ar gyfer y ddau Gwmni Dŵr yng Nghymru - Dŵr Cymru a Hafren Dyfrdwy. 

Bydd y tîm hefyd yn ymgymryd â'r dyletswyddau asesu cydymffurfiaeth ehangach gan gynnwys cydlynu gofynion archwilio, gwerthuso datganiadau data a datrys problemau ansawdd data.  

Fel sefydliad, rydym yn cefnogi gweithio hyblyg. Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Iwan Williams ar Iwan.Williams@cyfoethnaturiolcymru.gov.uk

Bydd cyfweliadau’n cael eu cynnal ar Microsoft Teams

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Yr hyn y byddwch chi’n ei wneud

• Rheoli a datblygu tîm mawr o Swyddogion Rheoleiddio sy’n canolbwyntio ar sicrhau cydymffurfiaeth ledled Cymru, a bod yn gwbl atebol am eu perfformiad, cyfraniad, datblygiad a’u lles.
• Gweithredu gwybodaeth am Reoliadau Trwyddedu Amgylchedd ar gyfer gollyngiadau dŵr, gan gynnwys asesu a dadansoddi cydymffurfiaeth.
• Cyfrifoldeb (ynghyd â chydweithwyr Tystiolaeth, Polisi a Thrwyddedu) i gysylltu gyda Llywodraeth Cymru, Cwmnïau Dŵr, a safleoedd eraill a ganiateir mewn perthynas â materion cydymffurfiaeth dŵr a thrwyddedau.
• Cefnogi Rheolwyr a’r Tîm Arwain i gyflawni canlyniadau allweddol sy'n cyd-fynd â'r Cynllun Corfforaethol. Sicrhau bod ein gweithredoedd a’n rôl wrth reoleiddio yn cael eu hadolygu a’u hadrodd yn unol â gofynion cynllun gwasanaethau rheoleiddio.
• Paratoi a chyflwyno cynllun gwaith blynyddol eich timau a chreu adroddiadau perfformiad a sicrwydd cysylltiedig.
• Goruchwylio penderfyniadau rheoleiddio ar lefel lle, gan sicrhau y cedwir at God y Rheoleiddwyr a'n Hegwyddorion Rheoleiddio.
• Datblygu a chynnal perthnasoedd cwsmeriaid effeithiol a dylanwadol (mewnol ac allanol) ar lefel uwch reolwyr.
• Cyfrannu eich gwybodaeth dechnegol a'ch profiad o reoli rhanddeiliaid er mwyn gwneud penderfyniadau ar sail risg ymhlith y tîm a'r busnes ehangach.
• Bod yn gyfrifol am gyllidebau’r tîm a phrosiectau.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Profiad o ansawdd dŵr a'r sector diwydiant dŵr.
2. Gwybodaeth a phrofiad helaeth o brosesau rheoleiddio dŵr a gorfodi.
   Sgiliau hyfforddi a mentora.
3. Profiad o weithgareddau cyswllt cymunedol ac ymgysylltu â'r cyhoedd.
4. Sgiliau trefnu, rheoli amser a rhyngbersonol cryf.
5. Y gallu i gyfathrebu'n effeithiol â busnesau a reoleiddir a'r cyhoedd, gan egluro materion ac ennyn cefnogaeth trwy ddylanwadu.

Gofynion y Gymraeg

• Hanfodol: A1 - Lefel mynediad (gallu defnyddio a deall ymadroddion a chyfarchion syml, sylfaenol, dim Cymraeg sgyrsiol)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon