Cynghorydd Arbenigol Arweiniol, Diwygio Rheoleiddio Gwastraff

Tîm / Cyfarwyddiaeth: Tîm Rhaglen Diwygio Rheoleiddio Gwastraff / Gweithrediadau Tystiolaeth, Polisi a Thrwyddedu

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Penodiad Cyfnod Penodol tan 31 Mawrth 2026

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: I'w gadarnhau

Rhif swydd: 203763

Y rôl

Mae ‘Strategaeth Tu Hwnt i Ailgylchu ‘Beyond Recycling Strategy’ Llywodraeth Cymru yn gynllun i wneud yr economi gylchol yng Nghymru yn realiti, ac mae’n amlygu na fu ein llwybr tuag at economi diwastraff, carbon isel erioed mor bwysig. Felly, mae’n amser cyffrous ar gyfer rheoleiddio gwastraff!

Yn benodol, byddwch yn gyfrifol am arwain a chydlynu mewnbwn CNC i ddiwygio cyfrifoldeb cynhyrchwyr am Wastraff o Offer Trydanol ac Electronig (WEEE) a Rheoliadau Batris.  Bydd y diwygiadau WEEE a Batris yn berthnasol ledled y DU ac yn cael eu harwain gan DEFRA. Y nod fydd sefydlu model Cyfrifoldeb Estynedig Cynhyrchydd (EPR) sy’n canolbwyntio ar gyfrifoldeb y cynhyrchydd am effeithiau ei gynnyrch. Byddwch hefyd yn cefnogi datblygiad cynlluniau EPR tymor hwy megis tecstilau. Bydd y rôl yn gyfle gwych i weithio gyda LlC a DEFRA i adlewyrchu anghenion Cymru ac ymgorffori unrhyw ddyletswyddau rheoleiddio newydd o fewn CNC.

Arwain a chyfarwyddo’r busnes ehangach drwy ddarparu cyngor a gwybodaeth broffesiynol arbenigol i lunio/ llywio Polisi’r Llywodraeth, ymagwedd sefydliadol ar gyfer Cymru ac agendâu rhanddeiliaid ar gyfer maes gwaith eu sector(au) penodedig. Bod yn gyfrifol, arwain a darparu arbenigedd technegol i un neu fwy o’r canlynol:

• Rheoleiddio seiliedig ar safle (Rheoliadau Trwyddedu Amgylcheddol gan gynnwys gweithrediadau a gweithfeydd gwastraff, esemptiadau, Ailgylchu Cyfleusterau Materol, Gwastraff Mwyngloddio).
• Rheoleiddio nad yw’n seiliedig ar safle (Diffiniad o Wastraff/Diwedd Gwastraff)
• Cyfundrefnau Cyfrifoldeb Cynhyrchwyr (deunydd pecynnu, batris, WEEE).
  Gwastraff Peryglus
• Economi gylchol - gweithio gydag eraill i hyrwyddo rheolaeth gynaliadwy o adnoddau naturiol.
• Sector Gwastraff (Trin a Defnyddio Biowastraff, trin a rheoleiddio gwastraff anadweithiol nad yw’n beryglus a gwastraff peryglus, tirlenwi, metelau eilaidd ac ynni o wastraff.
• Cynllun Lwfans Tirlenwi/Targedau adennill awdurdodau lleol.
• Ymagwedd polisi a strategaeth ar gyfer mynd i'r afael â throseddau gwastraff.
• Ymagwedd strategol tuag at dystiolaeth a dadansoddi data gwastraff.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Helen Jenkins ar Helen.Jenkins@cyfoethnaturiolcymru.gov.uk

Bydd cyfweliadau’n cael eu cynnal ar Microsoft Teams

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau.

Amdanom ni

Mae’r rôl yn rhan o dîm y rhaglen Diwygio Rheoleiddio Gwastraff a sefydlwyd i gefnogi rhaglen Llywodraeth Cymru o ddiwygiadau gwastraff deddfwriaethol a dylunio a gweithredu modelau cyflawni rheoleiddio i sicrhau ein bod yn gallu cyflawni ein dyletswyddau statudol newydd. Rydym yn gweithio’n agos gyda’r tîm Polisi Gwastraff ac rydym yn rhan o grŵp Polisi Rheoleiddio ac Apporah yr Tystiolaeth, Polisi a Thrwyddedu.

Yr hyn y byddwch chi’n ei wneud

• Bod yn brif bwynt cyswllt gyda Chymdeithasau Masnach y DU a Chymru, Adrannau’r Llywodraeth a rheoleiddwyr amgylcheddol yn y DU ac Ewrop, i rannu gwybodaeth a chydweithio ar ddatblygu polisi gweithredol a deddfwriaeth newydd, dehongli deddfwriaeth, cyngor a chanllawiau perthnasol ar gyfer y sector(au) penodol a meysydd cyfrifoldeb.
• Cynnal gwybodaeth ymarferol fanwl am y sector(au)/meysydd cyfrifoldeb a neilltuwyd gan nodi goblygiadau newidiadau deddfwriaethol, technolegol a’r farchnad i Cyfoeth Naturiol Cymru a’r sector(au).
• Cefnogi datblygiad a hyfforddiant staff ar draws CNC drwy ddefnyddio gwybodaeth a phrofiad technegol, deddfwriaethol a rheoleiddiol.
• Cyfrannu at gyflawni cynllun busnes y tîm, cynllun cyflawni’r gyfarwyddiaeth a chynllun corfforaethol CNC.
• Sicrhau bod dulliau gwella parhaus yn cael eu cymhwyso i feysydd gwaith y mae'r tîm yn ymgymryd â nhw.
• Datblygu, adolygu a gwella dogfennau technegol, er mwyn caniatáu i staff yn y busnes eu deall a’u defnyddio’n gyson a phriodol er mwyn galluogi darpariaeth gwasanaeth effeithiol.
• Cefnogi’r gwaith o fentora a hyfforddi Cynghorwyr o fewn y tîm i sicrhau bod gan y tîm ddigon o gydnerthedd technegol a deddfwriaethol ar gyfer eich maes gwaith penodedig.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich huntrwy ddefnydd effeithiol o eich cynllun datblygu personol (a elwir yn Sgwrs).
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.
• Mae gofyn cymryd rhan mewn gweithgareddau ymateb i ddigwyddiadau.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Bydd gennych brofiad helaeth o reoleiddio a’r polisi strategol yng nghyd-destun Cymru ar gyfer y sector(au) a neilltuwyd i chi, yn ddelfrydol wedi’i ennill trwy wybodaeth ymarferol sylweddol.
2. Gwybodaeth am ddeddfwriaeth Cymru, y DU a'r UE sy'n gysylltiedig â'ch sector(au) penodol; a’r hyn sy’n sbarduno polisïau Llywodraeth Cymru a’r DU yn eich sector(au) penodol.
3. Profiad o hysbysu a dylanwadu ar adrannau/rheoleiddwyr y llywodraeth, yn ddelfrydol ar faterion amgylcheddol.
4. Profiad helaeth o ffurfio a chynnal cysylltiadau agos â phartneriaid/rhanddeiliaid mewnol ac allanol i gyflawni canlyniadau swyddogaeth/prosiect/tîm penodol a’r sefydliad ehangach.
5. Profiad o ddeall a chymhwyso gweithgareddau rheoleiddio.
6. Gallu gweithio'n gyflym a meddu ar brofiad cydnabyddedig o gyflawni.
7. Bod yn arloesol a dangos cymhelliant i gyrraedd targedau.
8. Bydd disgwyl i chi fod yn ymwybodol o'r datblygiadau diweddaraf mewn polisi rheoleiddio a newidiadau arfaethedig i ddeddfwriaeth drwy fod yn aelod o gorff proffesiynol perthnasol neu mewn modd arall cyfatebol.
9. Cymhwyster proffesiynol/technegol cydnabyddedig neu brofiad perthnasol cyfatebol.

Gofynion y Gymraeg

• Hanfodol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon