Uwch Ymgynghorydd Arbenigol, Strategaeth Data

Tîm / Cyfarwyddiaeth:  Gwasanaethau Cyllid a Chorfforaethol

Cyflog cychwynnol: £52,268 yn codi i £57,726 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos  (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: I'w gardarnhau

Rhif swydd: 203529

Y rôl

Mae Cyfoeth Naturiol Cymru yn sefydliad sy’n seiliedig ar dystiolaeth ac yn cadw llawer o ddata.  Mae data’n llywio popeth a wnawn, ac mae cylch gwaith eang CNC yn golygu ein bod ni’n gyfrifol am ystod gymhleth ac amrywiol o ddata a gwybodaeth amgylcheddol.

Y rôl hon yw’r arweinydd strategol a phroffesiynol ar gyfer rheoli data menter.  Mae'r rôl yn adrodd yn uniongyrchol i'n Rheolwr Rheoli Gwybodaeth a Hysbysrwydd.

Mae'r rôl yn chwarae rhan hanfodol wrth lywio ein huchelgais i fod yn sefydliad sy'n cael ei yrru gan ddata, gan ddarparu gwasanaethau data integredig, ac ymateb i'r cynnydd yn nifer a chymhlethdod asedau data, gwasanaethau ac anghenion defnyddwyr.  Mae’n gweithredu ar y rhyngwyneb cyffrous rhwng technoleg, digidol a busnes, gan alluogi ein data i fod o fudd o ran anghenion rhanddeiliaid a chanlyniadau corfforaethol/amgylcheddol

Mae’r rôl yn gweithio gyda chydweithwyr ar draws swyddogaethau CNC i sicrhau ein bod yn cynnig gwasanaethau data agored mewn ffordd sy’n galluogi CNC i gyflawni’r gofynion data integredig a’r cyfleoedd a nodir yn Neddf yr Amgylchedd (Cymru), Deddf Llesiant Cenedlaethau’r Dyfodol a heriau’r argyfyngau natur, hinsawdd a llygredd.  Mae hefyd yn gweithredu fel arweinydd proffesiynol CNC ar gyfer ymgysylltu â phroffesiynau data a phartneriaid allanol.

Rydym yn chwilio am rywun gyda gweledigaeth ac sy’n edrych tuag allan, gan nodi datblygiadau a allai fod o fudd neu’n fygythiad i waith rheoli data llwyddiannus parhaus yn CNC.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Mark Diggle ar mark.diggle@cyfoethnaturiolcymru.gov.uk  

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Amdanom ni

Mae'r rôl yn rhan o'r adran Ddigidol, Data a Thechnoleg newydd o fewn Gwasanaethau Cyllid a Chorfforaethol.

Yr hyn y byddwch chi’n ei wneud 

• Darparu’r lefel uchaf o arbenigedd strategol, proffesiynol ac arbenigol ar gyfer data yn CNC i ddiffinio, arwain a hyrwyddo strategaeth data menter CNC. Dylanwadu ar staff ar bob lefel yn CNC ac yn allanol a chyfrannu at gynlluniau corfforaethol a busnes CNC.
• Diffinio ac arwain rhaglen newid gorfforaethol ar gyfer data menter.  Mae hyn yn cynnwys ymreolaeth i nodi blaenoriaethau, i arwain rheolwyr prosiect ac arweinwyr busnes trwy reolaeth matrics ac i baratoi achosion busnes ar gyfer buddsoddiad ariannol.
• Arwain ein hymgysylltiad proffesiynol a chyfnewid gwybodaeth gyda phartneriaid data fel Llywodraeth Cymru, Data Cymru, Proffesiwn DDaT y Llywodraeth, DAMA y DU, ac ONS, a chyfrannu at grwpiau technegol/strategol traws-sector Cymru/DU/UE.
• Gweithredu fel awdurdod technegol arweiniol CNC a chynghorydd ar gyfer data menter a’r pwynt technegol ar gyfer uwchgyfeirio materion data menter.  Cadeirio ac arwain Grŵp Llywio Strategaeth Data CNC, cynnal trosolwg o weithgareddau data ac anghenion defnyddwyr, nodi a rheoli risgiau a chynghori a mentora arbenigwyr data ar draws CNC.
• Darparu arweiniad busnes ar bob mater rheoli data, gan ddylanwadu ar ein strategaethau TGCh a digidol; gweithio'n agos gyda TGCh, Digidol a'r Uwch Gynghorydd Arbenigol ar gyfer technoleg Geo-ofodol i gyflawni ymrwymiadau CNC ar y cyd ar draws y proffesiwn digidol, data a thechnoleg.
• Cyfarwyddo a goruchwylio manyleb a datblygiad datrysiadau corfforaethol cymhleth, technegol, arloesol sy'n cael eu harwain gan ddefnyddwyr ar gyfer pensaernïaeth data, dadansoddeg, integreiddio, delweddu, mewnwelediad, a rheoli cylch bywyd.
• Cyfarwyddo a goruchwylio llywodraethu data corfforaethol, gan osod safonau corfforaethol, polisïau ac arfer gorau.
• Parhau i fod yn dechnegol gymwys.  Cydgysylltu ag arbenigwyr y llywodraeth ac allanol a dehongli deddfwriaeth, polisi a thechnoleg y DU/Cymru i sicrhau bod gwybodaeth arbenigol gyfredol yn llywio’r cyfeiriad strategol ar gyfer rheoli data yn CNC.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Profiad o allu datblygu a chyflawni strategaeth neu welliannau corfforaethol.  Sgiliau dadansoddi, delweddu a chyfathrebu cadarn gyda'r gallu i drosi gofynion busnes gan ddefnyddio dulliau dadansoddi a chasglu gofynion.
2. Profiad o reoli rhaglenni neu brosiectau gyda’r gallu i gyflwyno gwelliannau cymhleth ar draws y sefydliad; yn ddelfrydol mewn sefydliad dosranedig sy'n defnyddio rheolaeth matrics.
3. Profiad amlwg o weithio mewn partneriaeth a chyflwyno ar y cyd, gan ddefnyddio sgiliau dylanwadu a chyfathrebu effeithiol i weithio gyda phartneriaid mewnol ac allanol.
4. Sgiliau technegol arbenigol a gwybodaeth ym maes rheoli data menter e.e. rheoli data menter, rheoli cylch bywyd, modelu data, pensaernïaeth data, dadansoddeg data, gwyddor data, trawsnewid data, ffeithluniau, delweddu, warysau, rheoli uniondeb, rheoli data meistr a metadata.
5. Gwybodaeth am ddeddfwriaeth berthnasol yr UE a domestig, deddfwriaeth rheoli gwybodaeth a data a meysydd polisi sy'n effeithio ar reoli data yn CNC (ee, data agored, data cysylltiedig, ffynhonnell agored, torfoli).
6. Cymhwyster proffesiynol ac aelodaeth o gorff amgylcheddol, TG neu reoli data perthnasol (neu ymrwymiad i gymhwyso).  Gradd neu gyfwerth, neu'n gallu dangos gwybodaeth dechnegol debyg, mewn pwnc perthnasol. 

Gofynion y Gymraeg

• Hanfodol:  A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)
• Dymunol:   A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon