Rhyddid Gwybodaeth

Mae'r Ddeddf Rhyddid Gwybodaeth a'r Rheoliadau Gwybodaeth Amgylcheddol yn rhoi'r hawl i chi wneud cais am fynediad at wybodaeth heb ei chyhoeddi sydd gennym ni, oni bai fod eithriad penodol yn berthnasol.

Cyn gwneud cais am wybodaeth

• gwiriwch ein cynllun cyhoeddi i weld os yw'r wybodaeth rydych yn chwilio amdani wedi cael ei chyhoeddi gennym ni eisoes.
• gweld cofnod datgeliadau rhyddid Gwybodaeth blaenorol i weld a yw'r wybodaeth yno
• gwiriwch pa ddata ddata sydd ar gael i bawb i'w defnyddio Rhagor am ein Data Agored

Gwneud cais am wybodaeth

Gallwch wneud cais am wybodaeth dros e-bost neu drwy’r post.

• Ffoniwch: 0300 065 3000 a gofynnwch am gael eich trosglwyddo i Swyddog Mynediad at Wybodaeth
• E-bost: timmynediadatwybodaeth@cyfoethnaturiolcymru.gov.uk
• Drwy’r post: anfonwch i’r swyddfa ym Mangor, wele’r manylion isod
  

  Bangor (Maes y Ffynnon)

  Maes y Ffynnon
  Penrhosgarnedd
  Bangor
  Gwynedd
  LL57 2DW

Wrth anfon cais atom:

• byddwch yn benodol am y wybodaeth rydych ei heisiau, gan ddarparu amserlen os gallwch
• rhowch wybod i ni sut yr hoffech dderbyn y wybodaeth (drwy'r post, e-bost, neu wyneb yn wyneb)
• darparu manylion cyswllt rhag ofn y bydd angen i ni drafod y cais gyda chi

Os ydych chi am weld gwybodaeth y gallwn fod yn ei chadw amdanoch chi, ewch i'n tudalen ar sut i wneud cais am wybodaeth rydym yn gadw am danoch chi.

Cyngor ynghylch sut i wneud cais llwyddiannus

Er mwyn ein helpu ni i ymateb yn brydlon i'ch cais, rydyn ni'n eich cynghori i edrych ar y canllawiau ar wefan y Comisiynydd Gwybodaeth a gwefan Gov.uk ynghylch sut i wneud cais rhyddid gwybodaeth llwyddiannus.

Ymateb i'ch cais

Pan fyddwch wedi cyflwyno cais, rhaid inni ymateb cyn gynted â phosibl ac ymhen 20 diwrnod gwaith.

Mewn rhai achosion cyfyngedig, mae'n bosibl y gallwn estyn y cyfnod hwn ar gyfer achosion cymhleth. Os felly y bydd hi, byddwn yn rhoi gwybod i chi cyn gynted â phosibl, ynghyd â phryd y byddwn yn gallu ymateb.

Gwybodaeth ni allwn ei ddatgelu

Mae'n bosibl na fydd yr holl wybodaeth yn cael ei rhoi i chi oherwydd ei bod yn dod o dan esemptiad (o dan Ryddid Gwybodaeth) neu eithriad (o dan Reoliadau Gwybodaeth Amgylcheddol) rhag datgelu ‒ er enghraifft, oherwydd y byddai’n datgelu manylion personol rhywun arall yn annheg.

Ffioedd am wybodaeth

Mae ein hatodlen ffioedd yn nodi ein ffioedd ar gyfer darparu gwybodaeth i chi o dan y Ddeddf Rhyddid Gwybodaeth, y Rheoliadau Gwybodaeth Amgylcheddol a Deddf Diogelu Data 1998.