Datganiad Rheoleiddio 126: Diffiniad o safle ar gyfer rheoliadau gwastraff peryglus

Mae'r Datganiad Rheoleiddio (DRh) hwn yn ddilys tan 30 Ebrill 2028 a bydd wedi cael ei adolygu erbyn hynny. Dylech wirio yr adeg honno i sicrhau bod y Datganiad Rheoleiddio yn dal yn ddilys.

Gall CNC dynnu'r DRh hwn yn ôl neu ei ddiwygio cyn y dyddiad adolygu os byddwn o’r farn bod angen gwneud hynny. Mae hyn yn cynnwys pan nad yw'r gweithgarwch y mae'r datganiad rheoleiddio hwn yn ymwneud ag ef wedi newid.

Datganiad Rheoleiddio

Mae'r DRh hwn yn berthnasol i'r angen i gofrestru safle ac i wastraff gael ei gludo yn unol â Rheoliadau Gwastraff Peryglus (Cymru). 

Ni fyddwn yn mynd ar drywydd yr angen am y canlynol:

• Cofrestriad safle ar gyfer rhai lleoliadau a restrir isod (o dan amgylchiadau penodol).
• Nodyn cludo ar gyfer cael gwared ar wastraff peryglus o'r lleoliadau hyn (o dan amgylchiadau penodol).
• Ffurflen derbynnydd (ac eithrio ar gyfer hunan-waredu) gan y 'man casglu' y mae’r gwastraff hwn yn mynd iddo yn gyntaf (byddwn yn trin y lleoliad hwn fel y man cynhyrchu at ddibenion y Rheoliadau).

Pan fo gwastraff peryglus yn cael ei symud o'r lleoliadau canlynol ac o dan amgylchiadau penodol i fan casglu.

• Cynnal a chadw priffyrdd:
  - Lleoliadau lle mae awdurdodau priffyrdd yn cynnal gwaith cynnal a chadw'r briffordd yn rheolaidd (e.e. glanhau gyli)
  - Yn eithrio gwaith adeiladu/dymchwel wedi’i gynllunio neu waith sydd heb fod yn waith cynnal a chadw
  
  
• Gollyngiad ar y briffordd:
  - Yn berthnasol i lanhau gollyngiad ar y briffordd
  - Yn eithrio gollyngiadau ar safleoedd nad ydynt yn briffordd
  
  
• Trac rheilffordd:
  - Yn berthnasol i waith cynnal a chadw; mae'r depo neu'r pwynt mynediad yn dod yn fan casglu
  - Yn eithrio gwaith cyfalaf a gorsafoedd/depos.
  
  
• Dyfrffyrdd:
  - Yn berthnasol i gynnal a chadw/rheoli llygredd ar afonydd/camlesi
  - Yn eithrio adeiladu/dymchwel cyfalaf
  
  
• Coedwigoedd a chefn gwlad:
  - Coedwig wedi’i diffinio yn cael ei thrin fel un safle, symudiad mewnol wedi'i eithrio
  - Yn eithrio rhan o dir safle arall (e.e. ffermydd)
  
  
• Seilwaith cyfleustodau:
  - Yn berthnasol i byst lamp, polion telegraff, blychau ffôn, peilonau, piblinellau, ceblau
  - Yn eithrio is-orsafoedd/gorsafoedd pwmpio
  
  
• Cynnal a chadw cerbydau ar ochr y ffordd:
  - Yn berthnasol i gerbydau y mae gwasanaethau torri i lawr ar ochr y ffordd yn eu cynnal a’u cadw
  
  
• Ambiwlansys a darparwyr gofal iechyd symudol:
  - Yn berthnasol i wastraff a gaiff ei gynhyrchu drwy weithgarwch gofal iechyd symudol, ac sy’n cael ei ddychwelyd i ganolfan neu ysbyty
  - Yn eithrio gorsafoedd ambiwlans a safleoedd meddygol.
  
  

Amodau y mae'n rhaid i chi gydymffurfio â nhw

Mae'r Datganiad Rheoleiddio hwn yn berthnasol i'r rheoliadau ac i'r amgylchiadau penodol a restrir uchod yn unig. Efallai na fydd yn berthnasol i sefyllfaoedd eraill.

Mae gofynion Hysbysiad Safle, Nodyn Cludo, a Ffurflen Derbynnydd yn berthnasol ar gyfer y 'Pwynt Casglu'.

Gorfodi

Nid yw'r DRh hwn yn newid eich gofyniad cyfreithiol i gydymffurfio â holl ofynion eraill Rheoliadau Gwastraff Peryglus (Cymru) 2005.

Mae DRh yn golygu na fydd Cyfoeth Naturiol Cymru fel arfer yn cymryd camau gorfodi yn eich erbyn ar yr amod:

• bod eich gweithgarwch yn bodloni’r disgrifiad a nodir yn y DRh hwn
• eich bod yn cydymffurfio â’r amodau a nodir yn y DRh hwn
• nid yw eich gweithgarwch yn llygru’r amgylchedd nac yn achosi niwed i iechyd pobl, nac yn debygol o wneud hynny, a rhaid iddo beidio ag achosi perygl i ddŵr, aer, pridd, planhigion ac anifeiliaid, nac achosi niwsans drwy gyfrwng sŵn neu arogleuon na chael effaith andwyol ar gefn gwlad na lleoedd o ddiddordeb arbennig. 

Os ydych chi’n gweithredu o dan y DRh hwn, ond yn meddwl efallai nad ydych yn gallu cydymffurfio â’r amodau mwyach, rhaid i chi roi’r gorau i’r gweithgarwch ar unwaith.