Enghreifftiau o gludwyr gwastraff, broceriaid a delwyr

Cludo gwastraff yn arferol ac yn rheolaidd

Os mai cludo gwastraff yw eich arfer busnes arferol, rhaid i chi gofrestru, hyd yn oed os ydych yn gwneud hynny'n anghyson. Ond, nad ydych yn cludo gwastraff yn arferol a rheolaidd a mae eich gweithgareddau'n golygu eich bod yn perthyn i'r haen is, yna nid oes rhaid i chi gofrestru.

Dewiswch eich math o gofrestriad: haen uwch neu haen is

Mae dwy lefel o gofrestru: haen uwch ac haen is.

Cofrestrwch ar yr haen is os ydych yn:

cludo gwastraff a gynhyrchir gennych chi eich hun, ar yr amod nad yw'n wastraff adeiladu neu ddymchwel. Er enghraifft, gallech fod yn arddwr sy'n cludo gwastraff gwyrdd neu'n osodwr carpedi sy'n gwaredu hen garped
elusen neu'n sefydliad gwirfoddol
awdurdod casglu (WCA), gwaredu (WDA) a/neu reoleiddio gwastraff ar gyfer gweithgareddau a gynhelir o fewn yr ardal daearyddol y maent yn WCA neu WDA iddo. Ni fyddai cofrestriad haen is yn cwmpasu casglu gwastraff ar ran endid cyfreithiol arall ac/neu y tu allan i'r ardal hon. Ni fyddai hefyd yn cwmpasu gweithgareddau a gynhelir gan endid cyfreithiol arall, er enghraifft cwmni sy'n gweithredu ar ran y WCA neu WDA pa un a yw'r cwmni'n eiddo i'r WDA neu WCA, yn llawn neu yn rhannol. Os mae unrhyw un o'r gweithgareddau hyn yn berthnasol, bydd angen i'r awdurdod lleol gofrestru yn yr haen uchaf.
cludydd, brocer neu ddeliwr sydd dim ond yn ymdrin â sgil-gynhyrchion anifeiliaid, gwastraff o gloddfa neu chwarel, neu wastraff o safle amaethyddol

Cofrestrwch ar yr haen uwch os ydych yn:

cludo gwastraff adeiladu neu ddymchwel
cludo gwastraff a grëwyd gan rywun arall – er enghraifft, pobl sy'n casglu haearn sgrap o dai pobl
brocer neu ddeliwr – heblaw os ydych dim ond yn delio â sgil-gynhyrchion anifeiliaid, gwastraff o gloddfa neu chwarel, neu wastraff o safle amaethyddol, sy'n weithgareddau haen is, neu os ydych yn elusen/sefydliad gwirfoddol neu'n awdurdod casglu, gwaredu a/neu reoleiddio gwastraff

Darganfyddwch fwy am bwy sy'n cael ei ystyried fel gynhyrchydd gwastraff.

Dewiswch eich gweithgaredd

Cario, brocera, delio

Enghreifftiau o gludwyr gwastraff

Pwy	Gweithgaredd	Angen cofrestru	Haen uwch neu haen is
Adeiladwyr	Cario gwastraff adeiladu a dymchwel rydych wedi'i symud, e.e. sinciau, baddonau	Oes	Uwch
Gosodwyr carpedi	Gosod carped newydd a mynd â'r hen garped ymaith neu dynnu darnau o garpedi	Oes	Is
Trydanwyr a phlymwyr	Cario gwastraff adeiladu a dymchwel rydych wedi'i symud, e.e. sinciau, baddonau	Oes	Uwch
Trydanwyr a phlymwyr	Cario darnau o bipellau ymaith, er enghraifft, ond nid gwastraff adeiladu neu ddymchwel	Oes	Is
Ysgubwyr simneiau	Cario lludw rydych wedi'i dynnu o simneiau	Oes	Is
Contractwyr ffensio	Cario ffensys rydych wedi'u tynnu ymaith (caiff ffensys eu hystyried yn wastraff adeiladu)	Oes	Uwch
Garddwyr, tirlunwyr, meddygon coed	Cario perthi a gwastraff gwyrdd rydych wedi'u tynnu ymaith	Oes	Is
Garddwyr, tirlunwyr, meddygon coed	Cario gwastraff adeiladu rydych wedi'i dynnu ymaith	Oes	Uwch
Llety gwyliau	Lle mae yna darpariad o wasanaethau llety fel rhenti tymor byr neu wyliau, y perchennog busnes yw'r cynhyrchydd gwastraff. Cludo'r gwastraff hwn, os nad yw'n wastraff adeiladu neu ddymchwel	Oes	Is
Gwestai	Lle mae yna darpariad o wasanaethau llety, y perchennog busnes yw'r cynhyrchydd gwastraff. Cludo'r gwastraff hwn, os nad yw'n wastraff adeiladu neu ddymchwel	Oes	Is
Tŷ bwyta, caffis	Lle mae yna darpariad o wasanaethau gweiny bwyd, y perchennog busnes yw'r cynhyrchydd gwastraff. Cludo'r gwastraff hwn.	Oes	Is
Tenantiaeth hir dymor ar gyfer defnyddio tir neu adeiladau	Y person sy'n defnyddio neu'n meddiannu'r eiddo yw'r cynhyrchydd gwastraff. Lle mae'r meddiannydd yn cludo gwastraff y maent hwy eu hunain wedi'i gynhyrchu, cyn belled nad yw'n wastraff adeiladu neu ddymchwel	Oes	Is
Tenantiaeth hir dymor ar gyfer defnyddio tir neu adeiladau	Y person sy'n defnyddio neu'n meddiannu'r eiddo yw'r cynhyrchydd gwastraff. Landlordiaid sy'n cludo gwastraff a gynhyrchir gan denantiaid	Oes	Uwch
Clirio tai	Cario gwastraff a dynnir o gartrefi ymaith. Yn cynnwys symud gwastraff gan y landlord o dai sydd ar rent hir-dymor.	Oes	Uwch
Delwyr haearn sgrap	Casglu a chario gwastraff ymaith o dai/busnesau	Oes	Uwch
Deiliaid tai	Mynd â'ch gwastraff chi neu wastraff pobl eraill (yn ddielw) i safle awdurdod lleol	Nac oes	Amherthnasol
Nyrsys a gweithwyr gofal iechyd	Cario gwastraff a gynhyrchwyd o ganlyniad i'ch gofal	Oes	Is
Nyrsys a gweithwyr gofal iechyd, gan gynnwys fferyllfeydd	Darparu gwasanaeth i gario gwastraff a gynhyrchir gan gleifion, nid o ganlyniad i'w gweithgareddau gofal ac nid fel rhan o'r busnes neu i wneud elw	Nac oes	Amherthnasol
Mecanydd symudol	Gwaredu gwastraff a gynhyrchir o ganlyniad i'ch gwaith	Oes	Is
Mecanydd symudol	Gwaredu gwastraff a gynhyrchir gan rywun arall	Oes	Uwch
Heddlu, gwasanaeth tân, ambiwlansys	Gwaredu gwastraff, ond nid fel busnes nac i wneud elw	Nac oes	Amherthnasol
Glanhawyr biniau ar olwynion	Gwaredu a chario gwastraff o'r bin ymaith	Oes	Uwch
Glanhawyr biniau ar olwynion	Dim ond yn cario dŵr gwastraff a gynhyrchir yn ystod y weithred o lanhau	Oes	Is
Sefydliadau cario gwastraff haen is	Cario gwastraff adeiladu a dymchwel	Oes	Is
Unigolion sy'n cofrestru ar haen is yn ôl y mathau o wastraff	Cario gwastraff heblaw am wastraff amaethyddol a gwastraff o gloddfeydd a chwareli neu sgil-gynhyrchion anifeiliaid	Oes	Uwch
Unrhywun yn cario deunydd sydd ddim yn gwastraff	Am unrhyw rheswm	Nac oes	Amherthnasol – ddim yn wastraff
Unrhyw un sy'n cario samplau nad ydynt yn wastraff	Am ba bynnag reswm, gan gynnwys i bennu a yw'n wastraff	Nac oes	Amherthnasol – ddim yn wastraff
Unrhyw un sy'n cario samplau o wastraff a gynhyrchir gan rywun arall neu sy'n wastraff adeiladu a dymchwel	Am ba bynnag reswm	Oes	Uwch
Gosodwyr teiars	Amnewid a chario hen deiars ymaith	Oes	Is
Unrhyw grefftwr	Cario gwastraff rydych wedi'i gynhyrchu fel mater o drefn arferol a rheolaidd nad yw'n wastraff adeiladu neu ddymchwel	Oes	Is
Unrhyw grefftwr	Cario gwastraff rydych wedi'i gynhyrchu nad yw'n fater o drefn arferol neu reolaidd	Nac oes	Amherthnasol

Enghreifftiau o froceriaid a delwyr

Pwy	Gweithgaredd	Angen cofrestru	Haen uwch neu haen is	Brocer a/neu ddeliwr
Yr heddlu	Cyfeirio gwastraff sydd i'w waredu	Nac oes	Amherthnasol	Amherthnasol
Rheolwyr asiantaethau gosod tai / canolfannau siopa	Trefnu i wastraff gael ei symud o lety/safle a gaiff ei rentu	Oes	Uwch	Brocer
GIG, Byrddau Iechyd Lleol, neu Ymddiriolaethau	Trefnu i waredu gwastraff o feddygfeydd	Oes	Uwch	Brocer
Cyfnewid gwastraff	Darparu fforwm i bobl fynd ato i chwilio am ddeunyddiau gwastraff, eu prynu neu eu gwerthu	Nac oes	Amherthnasol	Amherthnasol
Cyfnewid gwastraff	Cymryd camau i gyfeirio tynged gwastraff, h.y. dwyn gwastraff a phobl ynghyd	Oes	Uwch	Brocer
Cyfnewid gwastraff	Defnyddio asiant i brynu gwastraff ac yna ei werthu	Oes	Uwch	Brocer a deliwr

Nid oes angen i chi fod wedi bod ym meddiant y gwastraff ar unrhyw adeg i gofrestru fel brocer neu ddeliwr.

Gallwch ddewis unrhyw un o'r tri math o weithgarwch neu bob un ohonynt.

Diffiniadau

Gwastraff adeiladu a dymchwel

Gall gwastraff adeiladu a dymchwel ddod yn sgil gwaith paratoadol, gwella, trwsio neu addasu.

Mae'n cynnwys unrhyw eitemau a oedd yn rhan o seilwaith neu a oedd yn rhan o seilwaith yn y gorffennol. Mae hefyd yn cynnwys gwastraff wrth archwilio a thynnu adnoddau mwynol.

Mae enghreifftiau cyffredin o wastraff adeiladu a dymchwel yn cynnwys baddonau, sinciau, toiledau, drysau, ffensys, llwybrau, pyst concrit, rwbel, waliau, gwaith brics, gwaith pibellau, gwifrau, plastrfwrdd, rheiddiaduron a ffenestri.

Sgil-gynhyrchion anifeiliaid

Sgil-gynhyrchion anifeiliaid yw carcasau anifeiliaid, rhannau o garcasau neu gynhyrchion sy'n deillio o anifeiliaid na fwriedir iddynt gael eu bwyta gan ddynion.

Gwastraff o safleoedd amaethyddol

Caiff safle amaethyddol ei ddiffinio fel tir a ddefnyddir ar gyfer garddwriaeth, tyfu ffrwythau, tyfu hadau, ffermio llaeth, bridio a chadw da byw, tir pori, gweirgloddau, tir ar gyfer tyfu helyg gwiail, gerddi marchnad, a thir ar gyfer meithrinfeydd planhigion.

Mae hefyd yn cynnwys coetiroedd lle y'u defnyddir i gefnogi'r defnydd o dir at ddibenion amaethyddol eraill.

Mae'r diffiniad hwn yn cynnwys pob math o ffermio âr.

Nid yw pob gweithgaredd lle cedwir anifeiliaid yn cael ei ystyried yn amaethyddol. Nid yw stablau marchogaeth, canolfannau ceffylau, cytiau cŵn, parciau anifeiliaid a chynhyrchwyr pysgod addurniadol yn cael eu hystyried yn safleoedd amaethyddol. Ni fyddai gwastraff o'r safleoedd hyn yn eich gwneud yn gymwys i gofrestru ar yr haen is.

Cofrestru neu adnewyddu

Darllenwch fwy am gofrestru neu adnewyddu fel cludwr gwastraff, brocer neu ddeliwr

Diweddarwyd ddiwethaf