Gwneud cais am drwydded cwympo coed

Defnyddiwch y gwasanaeth hwn i wneud cais am drwydded cwympo coed

Cyn dechrau

Bydd angen i chi roi'r wybodaeth ganlynol i ni:

enw llawn, cyfeiriad a manylion cyswllt perchnogion y tir neu ddeiliaid y brydles
enw'r coetir, y dref neu'r pentref agosaf, y sir, a’r cyfeirnod grid
manylion am unrhyw goed llarwydd ar y safle lle’r ydych yn bwriadu cwympo’r coed
manylion am y gwaith cwympo, teneuo, neu ailstocio
mapiau yn dangos yr ardaloedd lle’r ydych yn bwriadu cynnal gwaith cwympo, teneuo neu ailstocio

Os ydych yn gwneud cais fel asiant, bydd angen i chi hefyd nodi:

Os ydych yn cwympo coed ar eich safle, bydd angen i chi hefyd nodi:

sut byddwch yn rheoli eich gwaith cwympo (rhaid i hyn fod yn unol â Safon Coedwigaeth y DU)
oedran y coed
cyfanswm y coed ydych yn bwriadu eu cwympo
amcangyfrif o gyfaint y coed gan ddefnyddio'r Cyfrifydd Cyfaint Pren
dyddiad dechrau a gorffen y gwaith cwympo
y math o waith cwympo (e.e. llwyrgwympo)

Mae angen trwydded o hyd ar gyfer:

torri coed sydd wedi’u chwythu i lawr ond sy'n dal i sefyll ar ongl (ond nodwch y gall yr eithriad 'coed peryglus a niwsans' fod yn berthnasol)
torri coed i greu ymyl sy'n gadarn rhag y gwynt

Os ydych chi'n teneuo coed ar eich safle (i agor mwy o le i’r coed sy'n weddill dyfu), bydd angen i chi hefyd nodi:

Os ydych yn ailstocio (yn ailblannu coed newydd yn yr ardal lle’r ydych am gwympo coed), bydd angen i chi hefyd nodi:

sut byddwch yn rheoli’r gwaith ailstocio (rhaid i hyn fod yn unol â Safon Coedwigaeth y DU)
yr ardal ydych yn bwriadu ei hailstocio â choed
yr ardal ydych yn bwriadu ei chadw fel tir agored
nifer y coed ydych yn eu plannu
enw a chanran pob rhywogaeth o goed
y dull ailstocio (er enghraifft, plannu)
cyfansoddiad eich coetir os nad ydych yn dilyn Safon Coedwigaeth y DU

Bydd angen i chi uwchlwytho rhai neu bob un o'r dogfennau canlynol gyda’ch cais:

map cwympo neu ailstocio
taenlen cwympo coed os ydych yn bwriadu cwympo coed ar eich safle
taenlen ailstocio os ydych yn bwriadu ailstocio eich safle
asesiad o gyfansoddiad y coetir (os nad yw’r gwaith ailstocio yn bodloni gofynion Safon Coedwigaeth y DU)
unrhyw gyngor a gawsoch gan CADW, gallai hyn fod yn ymateb i ymgynghoriad neu'n gydsyniad heneb gofrestredig
llythyr penderfyniad yr Asesiad o’r Effaith Amgylcheddol gennym ni os nad ydych yn bwriadu ailstocio’r safle
tystiolaeth o'ch trafodaeth gyda'r swyddog rheoleiddio coetir, os nad ydych yn bwriadu ailstocio'r safle
map yn dangos pa ardal amgen yr ydych yn bwriadu ei hailstocio
asesiad rheoliadau cynefinoedd

Defnyddiwch Syllwr Map Rhyngweithiol CNC i gynhyrchu eich mapiau i gefnogi eich cais am drwydded torri coed.

Rhaid i'ch map:

defnyddio graddfa heb fod yn fwy na 1:10,000
dangos y raddfa ar y map
cynnwys yr wybodaeth ddiweddaraf
dangos yr holl ddata sylfaenol
dangos y pwynt mynediad i'r ardal lle caiff y coed eu cwympo, gan gynnwys y cyfeirnod grid
dangos yr ardal gwympo, teneuo neu ailstocio yn glir, gan gynnwys y cyfeirnod grid

Byddwn yn cydnabod ein bod wedi derbyn eich cais o fewn tri diwrnod gwaith.

Byddwn yn trefnu ymweliad safle o fewn tair wythnos, os bydd angen.

Bydd manylion eich cais yn cael eu rhoi ar y gofrestr o drwyddedau cwympo coed am bedair wythnos.

Ni allwn roi trwydded cwympo coed i chi nes bod y cyfnod hwn o bedair wythnos ar y gofrestr wedi dod i ben.

Os yw eich cais ar gyfer teneuo yn unig neu os yw eich safle yn cynnwys coed llarwydd, ni fyddwn yn rhoi’r manylion ar y gofrestr gyhoeddus.

Efallai y byddwn yn ymgynghori ag awdurdodau lleol a sefydliadau eraill ynglŷn â’ch cais.

Byddwn yn rhoi gwybod i chi o fewn 13 wythnos os yw eich trwydded am gwympo coed wedi bod yn llwyddiannus.

Diweddarwyd ddiwethaf