Arbenigwr Bioamrywiaeth Arweiniol

Tîm / Cyfarwyddiaeth: Tystiolaeth Polisi a Thrwyddedu / Tîm Dulliau Rheoleiddiol Dŵr/Tir/Bioamrywiaeth a Môr

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Cyfnod penodol tan 30/06/2026

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Rhif swydd: 203766

Y rôl

Ydych chi'n angerddol am wneud gwahaniaeth gwirioneddol i warchod a gwella bioamrywiaeth? Mae’r rôl ganolog hon yn cynnig y cyfle i arwain y gwaith o drawsnewid prosesau trwyddedu rhywogaethau, gan sicrhau eu bod yn effeithlon, yn effeithiol ac yn cyd-fynd ag arferion gorau.

Fel ein Cynghorydd Arbenigol Arweiniol ar Ddulliau Rheoleiddio Bioamrywiaeth, byddwch ar flaen y gad o ran trosi polisïau Llywodraeth Cymru a’r DU yn atebion ymarferol sy’n cael effaith. Bydd eich arbenigedd yn llywio dulliau rheoleiddio sy'n ymwneud â thrwyddedu rhywogaethau, cydsyniadau a chaniatâd ar gyfer Safleoedd o Ddiddordeb Gwyddonol Arbennig (SoDdGA) a physgodfeydd, gan gyfrannu'n uniongyrchol at warchod ein treftadaeth naturiol.

Yn y rôl hon, byddwch yn:

• Cynnal adolygiad cynhwysfawr o’r dechrau i’r diwedd o brosesau trwyddedu rhywogaethau, gan ysgogi gwelliannau sy’n cefnogi canlyniadau bioamrywiaeth cynaliadwy.
• Darparu arweiniad arbenigol ym maes rheoleiddio bioamrywiaeth, gan gefnogi’r gwaith o ddarparu atebion arloesol ac effeithiol sy’n adlewyrchu ein Hegwyddorion Rheoleiddio.
• Cydweithio’n agos â chydweithwyr ar draws ein timau Polisi a Gweithrediadau Rheoli Adnoddau Naturiol (NRM), swyddogion Llywodraeth Cymru, a chynrychiolwyr y sector i gysoni prosesau rheoleiddio â nodau amgylcheddol ehangach.

Dyma'ch cyfle i ymuno â sefydliad sy'n ymroddedig i lunio dyfodol bioamrywiaeth a chael effaith barhaol ar fyd natur.

Fel sefydliad, rydym yn cefnogi gweithio hyblyg.  Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Eleanor Ellick or Steve Attwood.

eleanor.ellick@cyfoethnaturiolcymru.gov.uk

stephen.attwood@cyfoethnaturiolcymru.gov.uk

Bydd cyfweliadau’n cael eu cynnal ar Microsoft Teams​. 

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau.

Yr hyn y byddwch chi’n ei wneud

• Gweithredu fel prif bwynt cyswllt â rheoleiddwyr amgylcheddol, yn y DU ac Ewrop, er mwyn rhannu gwybodaeth a chydweithio ar y dull rheoleiddio, cyngor technegol ac arweiniad ar gyfer yr holl sectorau perthnasol.
• Rhannu gwybodaeth a chydweithio ar ddatblygu polisi gweithredol a deddfwriaeth newydd, dehongli deddfwriaeth, cyngor ac arweiniad perthnasol ar gyfer y sector(au) penodol a meysydd cyfrifoldeb.
• Cynnal gwybodaeth ymarferol fanwl am y sector(au) penodedig gan nodi goblygiadau newidiadau o ran deddfwriaeth, technoleg a’r farchnad i Cyfoeth Naturiol Cymru a'r sector(au).
• Cefnogi datblygiad a hyfforddiant staff ar draws CNC drwy ddefnyddio gwybodaeth a phrofiad technegol, deddfwriaethol a rheoleiddiol.
• Arwain a rheoli materion penodol a chymhleth (yn cynnwys comisiynau gan RBB) i sicrhau dealltwriaeth a defnydd cyson a phriodol ymysg staff sy’n galluogi darpariaeth gwasanaeth rheoleiddio effeithiol.
• Cyfrannu at gyflawni cynllun busnes y tîm, cynllun cyflawni’r gyfarwyddiaeth a chynllun corfforaethol CNC.
• Cefnogi’r gwaith o fentora a hyfforddi Cynghorwyr o fewn y tîm i sicrhau bod gan y tîm ddigon o gydnerthedd technegol a deddfwriaethol ar gyfer eich maes gwaith penodedig.
• Cynghori ar anghenion a chyfleoedd tystiolaeth, comisiynu tystiolaeth a rheoli prosiectau tystiolaeth yn unol â'r rhaglen dystiolaeth y cytunwyd arni.
• assessment of the need for improvements in regulation and permitting processes by NRW.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth am ddeddfwriaeth Cymru, y DU a'r UE sy'n gysylltiedig â'ch sector(au) penodol; a’r hyn sy’n sbarduno polisïau Llywodraeth Cymru a’r DU yn eich secto(au) penodol.

2. Profiad o hysbysu a dylanwadu ar adrannau/rheoleiddwyr y llywodraeth, yn ddelfrydol ar faterion amgylcheddol.

3. Profiad helaeth o ffurfio a chynnal cysylltiadau agos â phartneriaid/rhanddeiliaid mewnol ac allanol i gyflawni canlyniadau swyddogaeth/prosiect/tîm penodol a’r sefydliad ehangach.

4. Profiad o ddeall a chymhwyso gweithgareddau rheoleiddio.

5. Gallu gweithio'n gyflym a meddu ar brofiad cydnabyddedig o gyflawni.

6. Bod yn arloesol a dangos cymhelliant i gyrraedd targedau.

7. Bydd disgwyl i chi fod yn ymwybodol o'r datblygiadau diweddaraf mewn polisi rheoleiddio a newidiadau arfaethedig i ddeddfwriaeth drwy fod yn aelod o gorff proffesiynol perthnasol neu mewn modd arall cyfatebol.

Gofynion y Gymraeg

• Hanfodol: A1 - Lefel mynediad (gallu defnyddio a deall ymadroddion a chyfarchion syml, sylfaenol, dim Cymraeg sgyrsiol)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon