Cwcis ar ein gwefan

Mae gwefan Cyfoeth Naturiol Cymru yn defnyddio cwcis. Drwy ddal ati i bori neu drwy glicio, “Parhau” byddwch yn cytuno i storio cwcis parti cyntaf a thrydydd partïon ar eich dyfais i wella’r broses o lywio’r safle, dadansoddi’r defnydd o’r safle, a chynorthwyo yn ein hymdrechion marchnata. Polisi cwcis.

Cynllun Lwfansau Tirlenwi yng Nghymru

Gwyboadaeth am sut mae rheoli gwastraff yn cael ei fonitro a'i gwella yng Nghymru

Gall tirlenwi gwastraff dinesig pydradwy, er enghraifft, bwyd, papur, a gwastraff gardd, gyfrannu at broblemau amgylcheddol fel cynhyrchu trwytholch - hylif sy'n draenio oddi ar safle tirlenwi.

Mae hefyd yn rhyddhau methan, sef nwy tŷ gwydr cryf, a all gyfrannu at newid yn yr hinsawdd.

Gwybodaeth am Lwfansau Tirlenwi y Cynllun

Daeth rheoliadau'r Cynllun Lwfansau Tirlenwi (Cymru) 2004 i rym yng Nghymru ar 1 Hydref 2004, er mwyn lleihau faint o wastraff trefol pydradwy sy'n mynd i safleoedd tirlenwi.

Mae’r cynllun lwfansau tirlenwi’n mynnu bod awdurdodau gwaredu gwastraff Cymru’n cyfyngu cyfanswm y gwastraff dinesig pydradwy a yrrant i’w gladdu.

Rhaid i’r symiau a anfonir i safleoedd tirlenwi fod yn is na’r lwfans a neilltuwyd gan Lywodraeth Cymru er mwyn osgoi bod yn agored i gosb.

Canlyniadau’r Cynllun Lwfansau Tirlenwi

Mae Cymru wedi lleihau faint o wastraff trefol pydradwy (gwastraff bwyd, papur a gerddi) sy'n cael ei anfon i safleoedd tirlenwi gan 88% dros y tri ar ddeg mlynedd llawn diwethaf  o dan y Cynllun Lwfansau Tirlenwi.

Gallwch weld canlyniadau'r blynyddoedd blaenorol yn 'Cofrestr Cynllun Lwfansau Tirlenwi (CLT) Cymru o 2004 ymlaen'.

Crynodeb o ganlyniadau 2017/18

At ei gilydd, anfonodd awdurdodau lleol Cymru 105,728 o dunelli o wastraff trefol pydradwy i safleoedd tirlenwi yn 2017/18, o gymharu â lwfans o 370,000 o dunelli ar gyfer Cymru gyfan. Mae hyn 71% yn llai na'r lwfans. Mae hyn yn dangos yn glir bod y gwaith o leihau faint o wastraff trefol pydradwy sy'n cael ei anfon i safleoedd tirlenwi yn llwyddo.

Perfformiadau awdurdodau lleol unigol

Y rhai a wnaeth y defnydd lleiaf o'r lwfans a ganiateid iddynt oedd Defnyddiodd Caerffili, Caerdydd, Sir Ddinbych, Sir Fflint, Ynys Môn, Merthyr Tudful, Sir Fynwy, Rhondda Cynon Taf, Bro Morgannwg a Wrecsam  (dim mwy na 10% o lwfansau).

Mae hyn mewn cymhariaeth â Ceredigion a Abertawe, a ddefnyddiodd dros 70% o'u lwfansau.

Sir Benfro wedi defnyddio dros gant y cant o’u lwfansau ac, felly, wedi mynd y tu hwnt i’r Lwfans Tirlenwi a ddyrannwyd iddynt.

Cyfyngiadau data

Nodwyd mater yn ymwneud ag ansawdd data gyda'r fformiwla ar gyfer amcangyfrif y gyfran o wastraff pydradwy mewn safleoedd tirlenwi a gaiff eu dirlenwi.

Caiff y fformiwla cydbwysedd torfol ei hadolygu'n llawn cyn cyhoeddi canlyniadau blwyddyn y cynllun 2018-19 i sicrhau bod cymhlethdodau diweddar o ran rheoli ac adrodd ar wastraff yn cael eu hystyried a bod cyfyngiadau a nodir yn cael sylw lle bo hynny'n ymarferol.

Caiff data cofrestr lwfansau tirlenwi a gyhoeddwyd yn flaenorol ei ddiwygio lle bo hynny'n berthnasol yn dilyn yr adolygiad.

Lawrlwythiadau dogfennau cysylltiedig

Oes rhywbeth o’i le gyda’r dudalen hon? Rhowch eich adborth.