Uwch-ddadansoddwr Tîm Cyllid Busnes

Lleoliad: HyblygCyflog: £35,995-£39,369 | Dyddiad cau: 3 Gorffennaf 2022

Math o gontract: Cyfnod penodol am 12 mis gyda phosibilrwydd o fod yn barhaol

Patrwm gwaith: Llawn amser, 37 awr

Rhif swydd: 202568

Fel sefydliad, rydym yn cefnogi gweithio hyblyg. Mae'r rôl hon yn caniatáu gweithio hybrid (cymysgedd o weithio gartref a swyddfa) a gellir trafod patrwm gwaith sy'n addas i chi ar ôl i chi gael eich penodi os ydych yn llwyddiannus gyda'r rôl hon.

Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

Disgrifiad o’r swydd

Bydd y rôl hon yn rhan allweddol o Dîm Cyllid Busnes agos a brwdfrydig iawn (sy’n rhan o'r tîm Cyllid ehangach), sy’n darparu a rheoli gwybodaeth ariannol a chyllidebol ar draws Gweithgareddau, Ffrydiau Ariannu ac Amcanion Corfforaethol CNC. Bydd y rôl hon yn canolbwyntio'n benodol ar Reoli Cyllidebau Llwybr Staff ac mae'n ganolog i gefnogi'r Cyfrifwyr Cyllid Busnes gyda phroses cynllunio ariannol CNC ar gyfer y flwyddyn ariannol bresennol a rhai’r dyfodol. Bydd y rôl hefyd yn allweddol o ran bodloni ein hymrwymiadau adrodd i Reolwyr Cyllidebau a Phenaethiaid Busnes/Penaethiaid Gwasanaeth. Byddwch hefyd yn rhoi cyngor a chymorth i'r rhai sy'n rheoli'r cyllidebau gan sicrhau bod y rhagolygon yn gyfredol ac yn gywir a bod MyNRW yn adlewyrchu'r sefyllfa honno.

Cyfrifoldebau

Mae eich cyfrifoldebau’n cynnwys:

  • Cefnogi’r Cyfrifydd Rheoli Cyllideb i ddarparu adroddiadau ar lefel Cyfoeth Naturiol Cymru ynghylch sefyllfa ariannol tymor canolig a thymor byr a pherfformiad ariannol yn ystod y flwyddyn, gan eu halinio â pherfformiad gweithredol, ar gyfer y Bwrdd, y Tîm Gweithredol a Llywodraeth Cymru.
  • Cefnogi'r Cyfrifydd Rheoli Cyllideb i adrodd, rheoli a chydlynu’n gywir sefyllfa ariannol pum mlynedd, pennu cyllidebau, monitro perfformiad, a dyrannu adnoddau yn ystod y flwyddyn.
  • Cynorthwyo pob cyfrifydd i ddarparu cyngor ac arweiniad cyllid effeithiol ac effeithlon i Benaethiaid Busnes/Gwasanaeth a chyfarwyddiaethau.
  • Cefnogi cyfrifwyr yn eu rolau i gynghori Penaethiaid Busnes a Gwasanaeth ynghylch y sefyllfa ariannol pum mlynedd, gosod cyllidebau, monitro perfformiad, a dyrannu adnoddau yn ystod y flwyddyn.
  • Sicrhau rheolaeth a chywirdeb y wybodaeth ariannol a gedwir ar MyNRW ac mewn adroddiadau, gan gynnwys datblygu, cynnal ac adrodd ar weithgareddau a gwybodaeth llif cyllid, gan gysylltu'n uniongyrchol â phob rheolwr ar draws Cyfoeth Naturiol Cymru.
  • Cefnogi cydymffurfiaeth â'n Cynllun Dirprwyo Ariannol, gan nodi problemau ac wedyn naill ai eu datrys neu eu cyfeirio at yr arbenigwyr i'w datrys.

Cymwysterau, profiad a gwybodaeth

Gwybodaeth a phrofiad o’r canlynol: 

  1. Cymhwyster Technegydd Cyfrifyddu neu'n gymwys yn ôl profiad.
  2. Profiad sylweddol o weithio o fewn amgylchedd cyllid ar lefel dechnegol.
  3. Gwybodaeth am egwyddorion 'Rheoli Arian Cyhoeddus Cymru' a 'Dosbarthu Derbyniadau' Trysorlys Ei Mawrhydi.
  4. Deall ystod eang o'n gweithgareddau busnes ac amgylcheddol.
  5. Gwybodaeth a dealltwriaeth ynghylch ein Cynllun Dirprwyo Cyllid a’r gallu i gynghori eraill.

Gofynion y Gymraeg:

Hanfodol Lefel 1 – Yn gallu ynganu geiriau Cymraeg a defnyddio ymadroddion syml

Noder: Os nad ydych yn bodloni’r gofynion lefel 1, hynny yw, y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Cymwyseddau

Noder - Bydd ceisiadau i'r rôl hon yn cael eu hasesu ar sail y cymwyseddau canlynol, ar y rhestr fer a'r cyfweliad. Rhowch enghreifftiau o sut rydych yn dangos y cymwyseddau hyn wrth lenwi'ch ffurflen gais.

Gwybodaeth a sgiliau hanfodol

 

 

 

 

  • Gofyniad i gyflawni lefel uwch o dasgau/gwaith ymarferol neu dechnegol sy'n gofyn am wybodaeth/arbenigedd arbenigol.  Arbenigwyr mewn ystod o bynciau sy'n ymwneud â'u proffesiwn. 
  • Er mwyn cyflawni gwasanaethau technegol/arbenigol bydd gofyn am wybodaeth fanwl am eu maes pwnc.
  • Y gallu i ddarparu cyngor gwrthrychol i bobl eraill yn seiliedig ar eu gwybodaeth a'u profiad, gan fod yn ymwybodol o’r newidiadau diweddaraf mewn meysydd technegol/arbenigol. Profiad o weithio mewn amrywiaeth o sefydliadau/rolau/swyddogaethau gwahanol.
  • Profiad sylweddol perthnasol o weithio yn y maes perthnasol. Y gallu i reoli rhaglenni llai o faint sy'n llai cymhleth a/neu reoli prosiectau ar raddfa fwy.

Gwerthuso gwybodaeth

 

 

 

  • Dehongli a deall dulliau cyflawni gweithredol a chynlluniau strategol CNC a'i gyd-destun ehangach.
  • Y gallu i ddadansoddi a dehongli amrediad eang o wybodaeth gymhleth, gan ddethol pwyntiau allweddol i'w cyfathrebu i unigolion ar bob lefel, a chyfrannu at ddatblygu polisïau.

Gofynion gwneud penderfyniadau ac ymreolaeth

 

 

 

  • Mae'r gwaith yn cael ei arwain gan ganlyniadau disgwyliedig ond mae deiliad y swydd yn gallu penderfynu ar y ffordd orau o’u cyflawni. Gallai arweiniad gael ei ddarparu gan gymheiriaid ond mae'n debygol y bydd angen defnyddio ychydig o ddyfarniad neu greadigrwydd. Efallai y bydd yn ofynnol newid blaenoriaethau o ganlyniad i ofynion sy'n gwrthdaro. Bydd amcanion a thargedau yn cael eu hadolygu ar sail ganolraddol.
  • Gall gynnwys rheoli prosiectau canolig o ran maint. Yn gyfrifol am wneud penderfyniadau annibynnol, gyda mewnbwn gan reolwyr llinell a chymheiriaid, a dealltwriaeth o bolisi CNC a'r ystod o opsiynau sydd ar gael a'u goblygiadau posibl i'r busnes. Yn rhan o'r gwaith o ddatblygu polisi sefydliadol a ac yn meddu ar rywfaint o ymreolaeth yn y gwaith o weithredu polisi sefydliadol.
  • Efallai y bydd penderfyniadau a wnaed yn arwain at newidiadau mewn gweithdrefnau/arferion sefydledig ar gyfer delio â materion o fewn maes gwaith deiliad y swydd. Gall canlyniad gwneud penderfyniadau anghywir gael effaith andwyol ar y sefydliad mewn perthynas â'i randdeiliaid allanol fel sefydliadau partner, rhoddwyr benthyciadau, defnyddwyr gwasanaethau ac ati. 
  • Efallai y bydd penderfyniadau'n ymwneud ag amrediad eang o faterion ac ni fyddai canlyniadau rhai penderfyniadau bob amser yn glir neu'n amlwg. Efallai y bydd problemau sy'n dod i'r golwg hefyd yn ymwneud â'r gwaith mewn rhannau eraill o'r sefydliad a gallai’r rhain fod yn amrywiol. Bydd penderfyniadau yn debygol o gael effaith ehangach na'r swyddogaeth neu'r adran uniongyrchol ac yn debygol o barhau dros y tymor canolig.

Effaith

 

 

  • Effaith a dylanwad canolig, a fydd o natur tymor canolig yn gyffredinol. 
  • Bydd ei benderfyniadau a'i weithredoedd yn dylanwadu ar eraill.
  • Bydd canlyniadau ei benderfyniadau/gweithredoedd yn cael effaith ganolig yn fewnol neu'n allanol. Nodi neu reoli risgiau yn ei faes gwaith.

Cyfathrebu a chydberthnasau ag eraill

 

 

 

 

 

 

 

 

 

 

 

 

 

 

 

  • Y gallu i gysylltu â rolau eraill ar draws y busnes, gan gynnwys y sefydliad wrth gyflawni polisïau a chynlluniau gwaith yn y ffordd fwyaf effeithlon. Gall rhyngweithio ag eraill hefyd fod gyda phobl a sefydliadau y tu allan i CNC.
  • Bydd y gwaith yn cynnwys cyfathrebu ysgrifenedig a llafar, arwain prosiectau llai o faint sy'n llai cymhleth, sy’n gofyn am sgiliau dwyn perswâd da. Efallai y bydd y gwaith hwn yn cynnwys hwyluso a/neu gyflwyno mewn cyfarfodydd mewnol neu allanol, gan gynnig cyngor a mewnbwn yn ôl yr angen.  Bydd gofyn meithrin a chynnal cydberthnasau a rhwydweithiau da.
  • Bydd deiliaid y swyddi fel arfer yn cynhyrchu dogfennau llai cymhleth, fel adroddiadau, cyfrifon, contractau ac ati. Bydd y rhain yn cynnwys lefel is o gyngor, arweiniad neu farn y bydd y derbynnydd yn gweithredu'n seiliedig arnynt neu'n eu defnyddio, ac sy'n debygol o gael effaith andwyol os ydynt yn anghywir neu’n cael eu drafftio'n wael.
  • Y gallu i ddod o hyd i wybodaeth o sawl lleoliad trwy ymchwil a chymhwyso barn broffesiynol ynghylch sut y dylid dehongli'r deunydd, y mae ei effaith yn debygol o bara yn y tymor canolig.

Manteision gweithio i ni

Bydd y rôl hon yn cynnig amrywiaeth o fanteision, gan gynnwys:

  • gweithio ystwyth a hyblyg (yn dibynnu ar y rôl)
  • Cynllun Pensiwn y Gwasanaeth Sifil sy’n cynnig cyfraniadau o 26.6% i 30.3% gan y cyflogwr
  • 28 diwrnod o wyliau blynyddol, yn codi i 33 diwrnod
  • absenoldebau hael ar gyfer eich holl anghenion mewn bywyd
  • manteision a chymorth o ran iechyd a lles
  • awr les wythnosol i’w defnyddio pryd bynnag rydych chi eisiau

Gweler y manylion llawn ar gyfer yr holl fuddion y byddwch yn eu cael fel gweithiwr.

Sut i wneud cais

Ffurflen gais

Canllawiau ar gwblhau ffurflen gais ar gyfer swydd

Anfonwch ffurflenni cais wedi’u cwblhau at Ceisiadau@cyfoethnaturiolcymru.gov.uk

 

Dyddiad cau i wneud cais 3 Gorffennaf 2022

Bydd cyfweliadau’n cael eu cynnal drwy Microsoft Teams.

Os oes gennych unrhyw gwestiynau am y swydd, cysylltwch â/ag Andrea Morgan ar Andrea.Morgan@cyfoethnaturiolcymru.gov.uk neu 03000 654212

 

Mae Cyfoeth Naturiol Cymru’n frwdfrydig dros amrywiaeth ac yn hyrwyddo cyfle cyfartal. Rydym yn recriwtio yn ôl teilyngdod ar sail cystadleuaeth deg ac agored.

Rydym yn croesawu ac yn annog ceisiadau gan grwpiau sy'n cael eu tangynrychioli ar hyn o bryd, gan gynnwys menywod, grwpiau pobl dduon a lleiafrifoedd ethnig a phobl ag anabledd. Mae gennym gynllun gwarantu cyfweliad ar gyfer ymgeiswyr ag anableddau sy'n bodloni'r meini prawf dethol gofynnol.

Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Diweddarwyd ddiwethaf