Cynghorydd Arbenigol, Pridd a Defnyddio Tir

Dyddiad cau: 31 Ionawr 2023 | Cyflog: £37,308 - £40,806 (Gradd 6) Lleoliad: Hyblyg

Math o gontract: Parhaol

Patrwm gwaith: Llawn amser, 37 awr yr wythnos.

Rhif swydd: 201467

Fel sefydliad, rydym yn cefnogi gweithio hyblyg. Mae'r rôl hon yn caniatáu gweithio hybrid (cyfuniad o weithio gartref ac yn y swyddfa) a gellir trafod patrwm gwaith sy'n addas i chi pan fyddwch yn cael eich penodi, os ydych yn llwyddiannus.

Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

Disgrifiad o’r swydd

Oes gennych chi ddiddordeb angerddol mewn priddoedd ac eisiau gwneud gwahaniaeth? Os felly, mae gennym gyfle cyffrous ar eich cyfer.

Mae Cymru yn arwain y byd gyda’i deddfwriaeth ar gynaliadwyedd a llesiant a’n nod ni yw ysbrydoli pob rheolwr tir i gyflawni rheolaeth gynaliadwy ar adnoddau naturiol. Mae pridd yn adnodd hanfodol sy’n sail i’n hamgylchedd naturiol ac mae’n cynnal bywyd ac yn darparu gwasanaethau ecosystemol lluosog i Gymru. Bydd y swydd hon yn gwneud cyfraniad hollbwysig i’r Adroddiad ar Gyflwr Adnoddau Naturiol a rheolaeth gynaliadwy o dir a phriddoedd ar draws yr holl ecosystemau daearol, yn enwedig ar dir amaethyddol. Mae hyn yn arbennig o bwysig o ran datblygiad parhaus y Cynllun Ffermio Cynaliadwy a Datganiad Polisi Pridd cyntaf Cymru. Bydd angen sgiliau dylanwadu da arnoch, cefndir cadarn ym maes gwyddoniaeth pridd a rheoli pridd ynghyd â’r gallu i weithio gydag amrywiaeth o staff technegol a gweithredol o fewn CNC yn ogystal â chydweithwyr yn Llywodraeth Cymru a rhanddeiliaid allanol. Byddwch yn arwain ar ddarparu asesiadau technegol Pridd a Defnyddio Tir a chyngor i gyfarwyddo datblygiad polisi, rhaglenni, cynlluniau, strategaethau a chanllawiau CNC.

Cyfrifoldebau

Mae eich cyfrifoldebau’n cynnwys:

Paratoi asesiadau technegol, gan ddefnyddio amrywiaeth o ffynonellau gwybodaeth a data cymhleth.
Rheoli’r gwaith o baratoi deunydd i gyfarwyddo’r gwaith o ddatblygu dogfennau polisi, cyngor ac arweiniad CNC, Llywodraeth Cymru a phartneriaid eraill. Rheoli datblygiad gweithdrefnau, offer a chanllawiau ac arwain y gwaith o gyflwyno ffyrdd newydd o weithio.
Cydgysylltu â rhanddeiliaid allanol megis Llywodraeth Cymru, cynrychiolwyr sector, cyrff anllywodraethol a phartneriaid i sicrhau bod rhwymedigaethau prosiectau, polisïau neu strategaethau yn cael eu cyflawni’n amserol ac yn effeithiol.
Cynghori ar anghenion a chyfleoedd tystiolaeth a rheoli prosiectau tystiolaeth y cytunwyd arnynt, yn unol â'r rhaglen dystiolaeth y cytunwyd arni.
Cefnogi ymgysylltu â sectorau, partneriaid, Llywodraeth Cymru, y Sector Ffermio/Sefydliadau sy’n Cynrychioli Ffermio, Awdurdodau Lleol, Tirfeddianwyr a chyrff amgylcheddol eraill yng Nghymru a’r DU a bod yn brif bwynt cyswllt ar gyfer ymholiadau cwsmeriaid.
Cynnal gwybodaeth agenda Priddoedd Cymru a’r DU gan nodi goblygiadau newidiadau i ddeddfwriaeth, technoleg a’r farchnad i Cyfoeth Naturiol Cymru a’r sector(au).
Cyfrannu at grwpiau gorchwyl a gorffen, a gomisiynir drwy’r Byrddau Busnes, i baratoi cynhyrchion diffiniedig yn ôl yr angen.
Cydweithio â'r Arweinydd Tîm i ddatblygu a chyflwyno Cynllun Datblygu Personol y cytunwyd arno.

Cymwysterau, profiad a gwybodaeth

Gwybodaeth a phrofiad o’r canlynol:

Gwybodaeth o: ddeddfwriaeth Cymru, y DU a'r UE sy'n ymwneud â Phriddoedd a Defnyddio Tir; gyrwyr polisi Llywodraeth Cymru a'r DU sy’n ymwneud â Phriddoedd; a'r materion a'r cyfleoedd a geir yng Nghymru.
Profiad o ddadansoddi technegol a dehongli amrywiaeth o wybodaeth amgylcheddol gymhleth a ffynonellau data; dadansoddi setiau data mawr.
Gweithio gyda/yn Llywodraeth Cymru, Adrannau Llywodraeth y DU, y byd academaidd a sefydliadau defnyddio tir.
Gweithio mewn amgylchedd rheoli rhaglen a phrosiect gyda phrofiad a/neu gymwysterau ym maes Rheoli Prosiectau.
Byddwch yn aelod o sefydliad proffesiynol perthnasol a/neu'n gweithio tuag at ddod yn aelod.
Rhannu eich gwybodaeth a'ch arbenigedd i helpu i ddatrys problemau, gan roi cefnogaeth i bawb.

Gofynion y Gymraeg

Hanfodol: Lefel 1 – Y gallu i ynganu geiriau Cymraeg a defnyddio ymadroddion syml

Noder: Os nad ydych yn bodloni’r gofynion lefel 1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Cymwyseddau

Noder - Bydd ceisiadau i'r rôl hon yn cael eu hasesu yn seiliedig ar y cymwyseddau canlynol, wrth lunio rhestr fer ac yn ystod y cyfweliad. Rhowch enghreifftiau o sut rydych yn dangos y cymwyseddau hyn wrth lenwi eich ffurflen gais.

Gwybodaeth a Sgiliau Hanfodol	Y gallu i ymgymryd â thasgau ymarferol neu dechnegol neu waith sy'n gofyn am wybodaeth/arbenigedd arbenigol. Y gallu i ddarparu cyngor gwrthrychol i bobl eraill ar faterion perthnasol ar sail ei wybodaeth a'i brofiad a bod yn ymwybodol o’r newidiadau diweddaraf yn ei faes arbenigol. Dangos profiad sylweddol perthnasol o weithio mewn amrywiaeth o sefydliadau gwahanol, neu rolau/swyddogaethau o fewn sefydliad unigol. Y gallu i arwain a rheoli meysydd gwaith penodol a allai gynnwys gweithredu cynlluniau. Yn meddu ar sgiliau mentora a'r gallu i rannu sgiliau a gwybodaeth ag eraill o fewn y swyddogaeth a/neu ar draws y sefydliad. O bosib yn arbenigwr mewn ystod o bynciau sy'n ymwneud â'i broffesiwn.
Gwerthuso Gwybodaeth	Y gallu i ddadansoddi a dehongli ystod o wybodaeth gymhleth o natur dechnegol, sy'n ymwneud â maes arbenigedd penodol, gan gyfrannu at ddatblygu strategaethau a pholisïau. Y gallu i dynnu pwyntiau allweddol a'u cyfleu i unigolion ar bob lefel. Y gallu i ddehongli cynlluniau cyflenwi perthnasol a deall eu cyd-destun yn strategaeth a pholisïau cenedlaethol ac ehangach Cyfoeth Naturiol Cymru.
Gofynion Gwneud Penderfyniadau ac Ymreolaeth	Y gallu i benderfynu ar y ffordd orau o gyflawni canlyniadau gan ddefnyddio rhywfaint o grebwyll neu greadigrwydd, wrth ymateb i ofynion sy'n gwrthdaro, trwy newid blaenoriaethau. Y gallu i wneud penderfyniadau annibynnol ar ystod eang o faterion, gan ystyried yr opsiynau sydd ar gael a'r goblygiadau posibl i'r busnes. Bydd penderfyniadau yn gofyn am gyfraniad gan reolwyr llinell a chyfoedion, a dealltwriaeth o bolisi Cyfoeth Naturiol Cymru y mae ei effaith yn debygol o fod yn ehangach na'r swyddogaeth neu'r adran uniongyrchol ac o natur tymor canolig. Gwerthfawrogi canlyniadau gwneud penderfyniadau anghywir a’r effaith andwyol y gallent ei chael ar y sefydliad mewn perthynas â rhanddeiliaid allanol, megis sefydliadau partner, rhoddwyr benthyciadau, defnyddwyr gwasanaeth ac ati. Y gallu i gyfrannu at osod cyfeiriad strategol ar eu cyfer eu hunain, eu maes ac eraill. Y gallu i ddatblygu strategaeth a pholisïau sefydliadol gyda rhywfaint o ymreolaeth wrth weithredu polisi sefydliadol. Y gallu i addasu ac ymateb i benderfyniadau a wnaed sy'n arwain at newidiadau mewn gweithdrefnau/arferion sefydledig ar gyfer delio â materion o fewn maes gwaith deiliad y swydd, nad ydynt efallai'n glir neu'n amlwg ar unwaith. Efallai y bydd angen gwneud rhai penderfyniadau heb gyfeirio at eraill.
Effaith	Dangos gwerthfawrogiad o sut y bydd ei benderfyniadau a'i gamau gweithredu'n dylanwadu ar bobl eraill yn fewnol ac yn allanol. Meddu ar ddealltwriaeth o ganlyniadau ei benderfyniadau, a fydd â lefel gymedrol o effaith a dylanwad ac a fydd o natur tymor canolig.
Cyfathrebu a Chydberthnasau ag Eraill	Y gallu i ryngweithio a chysylltu ag eraill ar draws y busnes, gan gynnwys y sefydliad yn y gwaith o gyflenwi cynlluniau gwaith a pholisïau yn y modd mwyaf effeithlon. Bydd angen cyfathrebu â chydweithwyr mewnol a rhanddeiliaid allanol, a all gynnwys cyfraniad a dylanwad arbenigol at weithredu polisi a strategaeth. Gall rhai rhyngweithiadau fod yn heriol yn emosiynol lle mae unigolion yn ddig neu'n ofidus, felly bydd angen pwyll, amynedd a'r gallu i aros yn ddigynnwrf i geisio datrys y mater. Bydd y gwaith yn cynnwys cyfathrebu ysgrifenedig a llafar a/neu arwain prosiectau, sy’n gofyn am sgiliau cyfathrebu a dwyn perswâd da. Y gallu i hwyluso a/neu gyflwyno mewn cyfarfodydd mewnol neu allanol, gan gyfrannu a rhoi cyngor yn ôl y gofyn. Y gallu i feithrin a chynnal cydberthnasau a rhwydweithiau da. Y gallu i lunio dogfennau, adroddiadau, cyfrifon, contractau ac ati â pheth cymhlethdod, sy'n cynnwys elfennau o gyngor, arweiniad neu farn y bydd y derbynnydd yn gweithredu arnynt neu'n eu defnyddio, ac a fyddai’n cael canlyniadau negyddol petaent yn cael eu drafftio'n anghywir neu'n wael. Y gallu i ganfod data a chynnwys o sawl lleoliad, sy'n cynnwys rhywfaint o ymchwilio allanol a mynegi barn broffesiynol o ran sut y dylai ymchwil o'r fath gael ei dehongli. Mae effaith dogfennau o'r fath yn debygol o fod o natur tymor canolig

Manteision gweithio i ni

Bydd y rôl hon yn cynnig amrywiaeth o fanteision, gan gynnwys:

gweithio ystwyth a hyblyg (yn dibynnu ar y rôl)
Cynllun Pensiwn y Gwasanaeth Sifil sy’n cynnig cyfraniadau o 26.6% i 30.3% gan y cyflogwr
28 diwrnod o wyliau blynyddol, yn codi i 33 diwrnod
absenoldebau hael ar gyfer eich holl anghenion mewn bywyd
manteision a chymorth o ran iechyd a lles
awr les wythnosol i’w defnyddio pryd bynnag rydych chi eisiau

Gweler y manylion llawn ar gyfer yr holl fuddion y byddwch yn eu cael fel gweithiwr.

Sut i wneud cais

Anfonwch eich Ffurflen gais wedi’i chwblhau at ceisiadau@cyfoethnaturiolcymru.gov.uk gan ddefnyddio rhif y swydd fel cyfeirnod yr e-bost

Cyn cwblhau eich cais, darllenwch ein Canllawiau ar gyfer cwblhau ffurflen gais ar gyfer swydd

Dyddiad cau i wneud cais 31 Ionawr 2023

Bydd cyfweliadau’n cael eu ym Mis Chwefror 2023 drwy Microsoft Teams.

Os oes gennych unrhyw gwestiynau am y swydd, cysylltwch â Nichola Taylor ar nichola.taylor@cyfoethnaturiolcymru.gov.uk neu Sarah Hetherington ar sarah.hetherington@cyfoethnaturiolcymru.gov.uk

Mae Cyfoeth Naturiol Cymru’n frwdfrydig dros amrywiaeth ac yn hyrwyddo cyfle cyfartal. Rydym yn recriwtio yn ôl teilyngdod ar sail cystadleuaeth deg ac agored.

Rydym yn croesawu ac yn annog ceisiadau gan grwpiau sy'n cael eu tangynrychioli ar hyn o bryd, gan gynnwys menywod, grwpiau pobl dduon a lleiafrifoedd ethnig a phobl ag anabledd. Mae gennym gynllun gwarantu cyfweliad ar gyfer ymgeiswyr ag anableddau sy'n bodloni'r meini prawf dethol gofynnol.

Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Diweddarwyd ddiwethaf