Mae galwad CNC ynghylch cyllid a chymorth ar gyfer 2018/19 wedi cau yn awr
Cawsom bron i 200 o Ddatganiadau o Ddiddordeb yn gofyn am dros £10miliwn o gefnogaeth ariannol. Mae paneli asesu wedi ystyried y cynigion a bydd y canlyniadau'n cael eu cyfleu cyn bo hir.
Diolch i bob sefydliad sydd wedi datgan diddordeb.
Os oes gennych syniadau ar gyfer cydweithio y tu allan i’n rowndiau cyllido, cysylltwch â’ch swyddog partneriaeth lleol yn y lle cyntaf.
Diweddariad Cyllid
Mae ein Diweddariad Cyllid yn cynnig golwg gyffredinol ar yr arian sydd ar gael o wahanol ffynonellau i grwpiau ac elusennau ar gyfer achosion a phrosiectau amgylcheddol.
Cyngor am gyllid
Mae gwefan Busnes Cymru yn cynnig cyngor a manylion yn ymwneud â chyllid sydd ar gael i fusnesau ac unigolion, gan gynnwys Offer Chwilio Cyllid Busnes Cymru.
Mae gan Lywodraeth Cymru amrywiaeth o gynlluniau grantiau ar gyfer cyflawni eu polisïau a chreu Cymru decach a mwy llewyrchus.
Mae Cyngor Gweithredu Gwirfoddol Cymru yn cynnig help i chwilio am gyllid trwy gyfrwng Porth Cyllid Trydydd Sector Cymru.