Cwcis ar ein gwefan

Mae gwefan Cyfoeth Naturiol Cymru yn defnyddio cwcis. Drwy barhau i bori'r wefan rydych yn cytuno â'n defnydd ni o gwcis. Er mwyn cael rhagor o fanylion am gwcis a sut i'w rheoli, gweler ein polisi cwcis.

Ymgynghoriad trwyddedu morol

Gwybodaeth am sut rydym yn ymgynghori ar geisiadau am drwyddedau morol

Ymgynghoriad cyhoeddus

Yn y rhan fwyaf o achosion, mae'n ofynnol i ymgeiswyr roi hysbysiad cyhoeddus o'u cynigion mewn papur newydd lleol. Bydd yr hysbysiad hwn yn cyfeirio aelodau o'r cyhoedd sydd â diddordeb at adeilad cyhoeddus lle mae'n rhaid i'r ymgeisydd drefnu bod copïau o'r cais a dogfennau ategol ar gael. Bydd yr hysbysiad hefyd yn rhoi manylion cyswllt i'r cyhoedd er mwyn eu galluogi i wneud unrhyw sylwadau mewn perthynas â'r cais i'r Tîm Trwyddedu Morol. 

Bydd y Tîm Trwyddedu Morol yn rhoi'r testun y mae'n rhaid ei ddefnyddio yn yr hysbysiad i'r ymgeisydd ar ôl derbyn y cais.

Ymgynghoriad uniongyrchol

Pan wneir cais am drwydded forol, byddwn yn ymgynghori ag amrywiaeth o sefydliadau er mwyn ceisio cyngor ar effeithiau'r prosiect ac unrhyw fesurau lliniaru neu amodau y dylid eu cynnwys mewn trwydded er mwyn lleihau effeithiau posibl.

Mae'r ymgyngoreion yn amrywio yn dibynnu ar y math o gais, ond gallant gynnwys:

Amgylcheddol

  • Adrannau mewnol Cyfoeth Naturiol Cymru
  • Canolfan Gwyddorau'r Amgylchedd, Pysgodfeydd Dyframaethu (Cefas). Cefas yw cynghorydd technegol Llywodraeth Cymru ar geisiadau a materion cysylltiedig
  • Cymdeithas Frenhinol er Gwarchod Adar (RSPB)

Mordwyo / arall

  • Trinity House
  • Asiantaeth y Môr a Gwylwyr y Glannau
  • Cymdeithas Hwylio Frenhinol
  • Y Weinyddiaeth Amddiffyn
  • Yr Awdurdod Harbwr Lleol
  • Yr Adran Drafnidiaeth
  • Ystad y Goron / Ystad Swangrove. Ystad y Goron / Ystad Swangrove yw perchnogion y blaendraeth / gwely'r môr yn y rhan fwyaf o achosion
  • Yr Awdurdod Cynllunio Lleol

Archaeolegol

  • Ymddiriedolaethau Archaeolegol Lleol

Ymgyngoreion Llywodraeth Cymru

  • Swyddogion Gorfodi Morol
  • Cangen Forol
  • Polisi Trafnidiaeth, Cynllunio a Phartneriaethau
  • Cangen Rheoli Perygl Llifogydd ac Arfordiroedd

Oes rhywbeth o’i le gyda’r dudalen hon? Rhowch eich adborth.