Cwcis ar ein gwefan

Mae gwefan Cyfoeth Naturiol Cymru yn defnyddio cwcis. Drwy barhau i bori'r wefan rydych yn cytuno â'n defnydd ni o gwcis. Er mwyn cael rhagor o fanylion am gwcis a sut i'w rheoli, gweler ein polisi cwcis.

Gwella ansawdd dŵr

Mae angen inni wella ansawdd y dŵr sydd yn afonydd, nentydd, llynnoedd, aberoedd, dyfroedd arfordirol a dyfroedd dŵr daear Cymru, er mwyn iddo fodloni’r safonau sy’n ofynnol gan Gyfarwyddeb Fframwaith Dŵr yr UE

Sut rydym yn bwriadu bodloni gofynion y Gyfarwyddeb Fframwaith Dŵr

Os yw eich gweithgaredd neu eich busnes yn debygol o effeithio ar amgylchedd y dŵr, mae Cyfoeth Naturiol Cymru angen gweithio gyda chi.

Gallwch ddod o hyd i fwy o wybodaeth am weithgarwch yn eich ardal a sut i fynd ati i wella amgylchedd y dŵr trwy ymweld â Oriel Mapiau Arsylwi Dyfroedd Cymru

Gweithio mewn partneriaeth

Mae Cyfoeth Naturiol Cymru wedi llunio cynlluniau rheoli basnau afonydd lle disgrifir y pwysau sy’n wynebu amgylchedd y dŵr yn nhair ardal basn afon Cymru.

Grŵp o ddalgylchoedd sy’n cynnwys casgliad o afonydd, llynnoedd, cronfeydd dŵr daear a dyfroedd arfordirol yw ‘ardal basn afon’.

Ym mhob Ardal Basn Afon, mae gennym Banel Cyswllt sy’n cynnwys cynrychiolwyr o’r sectorau allweddol. Mae’r broses hon yn rhoi maes agored i bartneriaid drafod a dylanwadu ar ddatblygiad y Cynlluniau Rheoli Basn Afon i'n helpu i wella ansawdd dŵr. Caiff y cynlluniau’u cynhyrchu a’u diweddaru bob chwe mlynedd.

Gwelliannau a buddion

Mae pob cynllun yn nodi’r camau sydd eu hangen i wella amgylchedd y dŵr. Hefyd, maent yn rhestru’r buddion y gellir eu gwireddu a’r rhai sydd yn y sefyllfa orau i’w cyflawni.

Mae gan bob ardal basn afon Banel Cyswllt sy’n cynnwys cynrychiolwyr o groestoriad o fusnesau a defnyddwyr dŵr.

Ardaloedd basnau afonydd Cymru

Ceir tair ardal basn afon yng Nghymru, ac mae gan bob un ei chynllun rheoli basn afon ei hun:

  • Ardal Gorllewin Cymru – yn gyfan gwbl yng Nghymru
  • Ardal Dyfrdwy – yn croesi’r ffin â Lloegr
  • Ardal Hafren – yn croesi’r ffin â Lloegr (wedi'i harwain gan Asiantaeth yr Amgylchedd ar Gov.UK)

Swyddogaeth Awdurdodau Lleol

Mae gan Awdurdodau Lleol swyddogaeth hollbwysig o ran cynllunio, cyflawni a hyrwyddo Cynlluniau Rheoli Basnau Afonydd.

Mae CNC wedi gweithio gyda Chymdeithas Llywodraeth Leol Cymru i gynhyrchu nodyn cyngor, Gwasanaethau’r Awdurdodau Lleol a’r amgylchedd dŵr.

 Mae’r nodyn cyngor hwn ar y Gyfarwyddiaeth Fframwaith Dŵr yn cynnwys astudiaethau achos sy’n dangos sut y gallwn gydweithio i gyflawni gwell gwasanaethau “dŵr” i gymunedau, a hefyd i’r amgylchedd ehangach.

Asesu risg asideiddio

Mae asideiddio’n dal i effeithio ar afonydd a llynnoedd Cymru, er gwaethaf lleihad mawr mewn allyriadau diwydiannol. Er mwyn ein helpu i fonitro a rheoli hyn, rydym wedi asesu ble y mae asideiddio’n debygol o fod yn broblem yn 2027.

Daeth yr asesiad hwn i’r casgliad fod yna dystiolaeth o adferiad graddol. Fodd bynnag, mae un o bob pump o’n hafonydd ac un o bob tri o’n llynnoedd yn dal i fod dan fygythiad.

Lawrlwythiadau dogfennau cysylltiedig

Panel Cyswllt Gorllewin Cymru Cofnodion - 9/3/20216 PDF [186.9 KB]
Panel Cyswllt Afon Dyfrdwy Cofnodion - 17/03/2016 PDF [196.1 KB]
Panel Cyswllt Afon Dyfrdwy Cofnodion - 15/10/2014 PDF [200.3 KB]
Panel Cyswllt Gorllewin Cymru Cofnodion - 22/10/2014 PDF [199.4 KB]
Gwasanaethau'r Awdurdodau Lleol a'r amgylchedd dŵr Nodyn Cyngor am y Gyfarwyddeb Fframwaith Dŵr PDF [1.3 MB]

Oes rhywbeth o’i le gyda’r dudalen hon? Rhowch eich adborth.