Cwcis ar ein gwefan

Mae gwefan Cyfoeth Naturiol Cymru yn defnyddio cwcis. Drwy barhau i bori'r wefan rydych yn cytuno â'n defnydd ni o gwcis. Er mwyn cael rhagor o fanylion am gwcis a sut i'w rheoli, gweler ein polisi cwcis.

Cyfeiriannu

Darganfod ble gallwch chi fynd i gyfeiriannu yng Nghymru a pha wybodaeth y gallwch ei chael er mwyn cynllunio eich ymweliad

Cyfeiriannu

Mae cyfeiriannu’n gamp wych i redwyr, loncwyr a cherddwyr sydd eisiau gwella eu sgiliau canfod ffordd ac i bawb sy’n hoffi bod allan yn yr awyr agored.

Beth yw cyfeiriannu?

Mae cyfeiriannu’n gamp llawn antur y gallwch ei mwynhau yn yr awyr agored.  Byddwch yn cerdded neu’n rhedeg ac yn ceisio canfod eich ffordd o amgylch cwrs gan ddefnyddio map manwl a chwmpawd weithiau.

Y nod yw canfod eich ffordd o un pwynt rheoli i’r llall gan ddewis y llwybr gorau er mwyn cwblhau’r cwrs yn yr amser cyflymaf.

Does dim gwahaniaeth pa mor ffit ydych chi – gallwch redeg neu gerdded y cwrs ar eich cyflymder eich hun.

Pa wybodaeth sydd ar gael am gyfeiriannu?

British Orienteering yw’r corff llywodraethu ar gyfer camp cyfeiriannu yn y Deyrnas Unedig. 

Ewch i wefan British Orienteering i gael mwy o wybodaeth am gyfeiriannu.  

Ble galla i fynd i gyfeiriannu yng Nghymru?

Mae yna gyrsiau cyfeiriannu penodol ym mhob cwr o Gymru.

  • Ewch i wefan British Orienteering i ddod o hyd i gwrs cyfeiriannu penodol yn agos atoch chi
  • Mae yna gyrsiau cyfeiriannu penodol mewn dwy goedwig sy’n cael eu rheoli gan Cyfoeth Naturiol Cymru

Ble mae’r cyrsiau cyfeiriannu sy’n cael eu rheoli gan Cyfoeth Naturiol Cymru?

Mae cyrsiau cyfeiriannu penodol ym Mharc Coedwig Coed y Brenin ac yng Nghoedwig Bwlch Nantyrarian.

Cyfeiriannu ym Mharc Coedwig Coed y Brenin

Mae pedwar cwrs cyfeiriannu parhaol ym Mharc Coedwig Coed y Brenin, ger Dolgellau.

  • dau gwrs haws ar gyfer dechreuwyr, un ohonyn nhw’n addas i blant
  • dau gwrs anos ar gyfer rhai sy’n darllen map yn hyderus a chyfeirianwyr profiadol

Mae’r cyrsiau’n cychwyn ac yn gorffen yng Nghanolfan Ymwelwyr Parc Coedwig Coed y Brenin lle mae caffi, toiledau a chyfleusterau eraill i ymwelwyr.

Edrychwch ar dudalen Canolfan Ymwelwyr Parc Coedwig Coed y Brenin (gweithgareddau eraill) i gael mwy o wybodaeth. 

Cyfeiriannu yng Nghoedwig Bwlch Nantyrarian

Mae yna bedwar cwrs cyfeiriannu parhaol yng Nghoedwig Bwlch Nantyrarian, ger Aberystwyth.

Mae’r rhain yn cynnwys cwrs haws ar gyfer dechreuwyr, sy’n cael ei ddefnyddio’n aml gan deuluoedd, a chwrs anos ar gyfer cyfeirianwyr profiadol.

Mae’r cyrsiau’n cychwyn ac yn gorffen yng Nghanolfan Ymwelwyr Coedwig Bwlch Nantyrarian lle mae caffi, toiledau a chyfleusterau eraill ar gyfer ymwelwyr.

Edrychwch ar dudalen Canolfan Ymwelwyr Coedwig Bwlch Nantyrarian i gael mwy o wybodaeth. 

Sut alla i gael gwybodaeth am lwybrau sydd wedi cael eu cau neu eu gwyro?

Weithiau mae’n rhaid cau neu wyro hawl dramwy gyhoeddus.

Dylai arwyddion ar y safle ddweud wrthych chi ydy hawl dramwy gyhoeddus ar agor neu wedi cau.

I gael mwy o wybodaeth ynglŷn â sut y mae gwaharddiadau neu gyfyngiadau’n cael eu defnyddio ar dir mynediad agored, ewch i’r dudalen rheoli mynediad.

Sut alla i gael caniatâd ar gyfer digwyddiad cyfeiriannu mewn coetir sy’n cael ei reoli gan Cyfoeth Naturiol Cymru?

Ewch i Coetiroedd a Chi i ddarganfod sut i gael caniatâd i drefnu digwyddiad cyfeiriannu yn un o’r coetiroedd sy’n cael eu rheoli gan Cyfoeth Naturiol Cymru.  

Y Cod Cefn Gwlad

Mae’r Cod Cefn Gwlad yn berthnasol i bob ardal yng nghefn gwlad Cymru a Lloegr.

Ei nod yw helpu pawb i barchu, gwarchod a mwynhau cefn gwlad.

Gallwch lawrlwytho copi o’r Cod Cefn Gwlad cyn eich ymweliad.

Archwilio mwy

Oes rhywbeth o’i le gyda’r dudalen hon? Rhowch eich adborth.